Amérika dölet mejlisining bir türküm ezaliri béyjingdiki elchixanisini xitay öktichi chén gu'angchéngning mesilisige arilishishqa chaqirdi

Xitaydiki ema öktichi zatlardin chén gu'angchéng, shendung ölkiside 7000din artuq ayal üstidin pilanliq tughut opératsiyisi élip bérilghanliqigha qarshi pa'aliyet élip barghanliqi üchün 2006 ‏- yili qolgha élinip késiwétilgen we aldinqi ayda türmidin qoyup bérilgen bolsimu, yenila a'iliside nezerbend astida tutuluwatqan idi.
Muxbirimiz shohret hoshur
2010.10.26

Düshenbe küni amérika dölet mejlisining 10 neper ezasi, amérikining béyjingdiki bash elchisige mektup yollap, chén gu'angchéngning ehwalini közitishke chaqirghan. Bolupmu, uning salametlik ehwali we a'ilidiki xatirjemlikige képillik qilish meqsitide béyjing hökümiti bilen sözlishishke chaqirghan. Bularning mektubida chéng gu'angchéngning jasaretlik bir kishilik hoquq pa'aliyetchisi ikenliki, uning adaletsiz sotning ziyankeshlikige uchrighanliqi tilgha élin'ghan.

Bügün amérikining béyjingdiki elchixanisining bayanatchisi muxbirlargha bash elchi Huntsman ning mezkur mektupni tapshurup alghanliqini we pat yéqinda, béyjing da'iriliri bilen körüshüp, chén gu'angchéngning ehwalini sürüshte qilidighanliqini bildürgen. Xitay hökümiti amérika dölet mejlisi ezalirining bu tür pa'aliyetlirini xitayning ichki ishlirigha arilashqanliq dep eyiblep kelmekte. Amérika terep bolsa buni, xitayning xelq'ara kélishmlerde bergen wedisini sürüshte qilish we yolluq haldiki arilishish dep bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.