Хитайниң 46 қетимлиқ ядро синиқи 129 миң уйғурни өлтүрди

Японийидә чиқидиған 'санкей шинбун' гезити 4 ‏ - айниң 30 ‏ - күни саппоро медитсина университевтиниң профессори такада ниң 'хитай коммунист партийиси йипәк йолида йолға қойған ядро террорчилиқи' мәвзулуқ илмий тәтқиқатини хәвәр қилди.
Мухбиримиз вәли
2009-05-02
Share

Бу һәқтики мақалиларни 5 ‏ - айниң 1 ‏ - күни 'бошүн тор бети' қатарлиқ учур вастилириму тәрҗимә қилип басти.

Саппоро медитсина университевтиниң профессори такада хитай қәдимқи кроран районида елип барған ядро синиқиниң тәсирини, униң партлаш күчи, радиактип меқтари, һава райи мәлуматлири, нупус көлүми һәққидә хитай өзи елан қилған санлиқ мәлуматларға асасән һесаблап, бу синақларда зиянға учриған нупус санини ениқлап чиққан.

Мутәссис такада ниң ениқлишичә, хитай қәдимқи кроран районида елип барған 46 қетимлиқ ядро синиқида 190 миңдин артуқ уйғурни өлтүрди.

Буниңдин башқа йәнә 1 милйон 290 миң адәмни радиалтип нурлар билән дағлиди. Буниң тәсиридә ғәйри шәкилдә туғулған бовақ сани 35 миңдин, қан ракиға гириптар болған адәм сани 3700 дин, қалқансман бәз ракиға гириптар болған адәм сани13 миңдин ашиду.

Профессор такада ниң ениқлишичә, хитай бу районда елип барған ядро синиқиниң һаятлиққа зиян селиш дәриҗиси иккинҗи дуня урушида окинавада партлиған атом бомбисдин 4 һәссә юқури. Униң үстигә, хитайниң ядро синақлири шу районда яшайдиған хәлқ үчүн һечқандақ қоғдиниш тәдбирлири қоллинилмиған, учур вастилири қаттиқ қамал қилинған һалда елип берилған. Униң қаришичә, бу, типик дөләт җинайити.

Профессор такада һазир, 1964 ‏ - йилидин 1996‏ - йилиғичә хитайниң ядро боранлири давам қилған районларға берип сиаяһәт қилған 270 миң японлуққа қандақ тәсир йәткәнликини тәкшүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт