Xitayda yene yesilige pichaq bilen hujum qilish weqesi yüz bérip 3 bala ölgen

Birleshme agéntliqning xewer qilishiche, xitayning shendung ölkiside tünügün bir yeslige pichaq bilen hujum qilish weqesi yüz bergen. Weqede yesli baliliridin 3 nepiri ölgen, 20 nepiri yaridar bolghan. Weqe shendungning zibo shehiri jinféngyüen rayonida chüshtin kéyin sa'et 4 etrapida yüz bergen. Birleshme axbarat agéntliqigha weqening rastliqini bildürgen yerlik da'iriler weqening tepsilati heqqide melumat bérishni ret qilghan we éniq halda bu xil weqeler xewer qilinsa, jem'iyettiki bashqa narazi kishilermu, bu xil hujumni doraydighanliqini we buning bilen jem'iyette éghir parakendichilik kélip chiqidighanliqini bildürgen.
Muxbirimiz shöhret hoshur
2010.08.04

Xewerde bildürülüshiche, weqe sadir qilghuchi 26 yashliq bir xitay bolup, u tünügün tutqun qilin'ghan we u jinayitini étirap qilghan. Emma, da'iriler weqe sadir qilghuchining meqsiti heqqide melumat bermigen. Xitayda bu yil kirgendin buyan, xitay jem'iyitining ajiz nuqtiliri bolghan mektep we poyiz istansisi qatarliq jaylargha arqa - ariqidin hujum qilish weqeliri yüz bermekte. Ötken bir qétima'iq yesli balilirigha hujum qilish weqeside, yesli baliliridin 12 nepiri ölgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.