Хитайдики 14 миңға йеқин " пидаий" уйғур елидә хизмәт қилишқа тизимлатти

Бу йил 14 миңға йеқин хитай " пидаий" хитайниң башқа җайлиридин уйғур елидә хизмәт қилишқа тизимлатқан. Уйғур елидики ахбарат васитилириниң хәвәр қилишичә, буларниң бир қисми уйғур елигә йетип кәлгән болуп, 30 - июл уйғур аптоном райониниң партком секретари җаң чүншйән бу бир түркүм "пидаий" ларни қобул қилған.
Мухбиримиз җүмә
2010.08.02

Уйғур елидин чиқидиған " шинҗаң хәвәр тори" да көрситишичә, пәқәт бу йил ичидә уйғур елигә хизмәт қилишқа тизимлатқан бу хилдики "пидаийлар" сани 13 миң 14 нәпәргә йәткән. Бу нөвәт буларниң ичидин 908 адәм таллинип уйғур елигә йөткәп келингән.

2003 - Йилидин һазирқиғичә уйғур елигә хитай өлкилиридин 3 миң 488 нәпәр аталмиш " пидаийлар" кәлгән. 2009 - Йили 8 - айғичә буларниң 1 миң 678 нәпири уйғур елидики әсли бөлүнгән орунлирида хизмәт қилип орунлишип қалған.

Хитай һөкүмити "ихтисаслиқларни җәлп қилиш", "ғәрбни ечишқа ярдәм беридиған студент пидаийлар" дегәнгә охшаш намлар билән уйғур елигә хитай кадирларни йөткәп келиватқан иди. Уйғурлар бу хил сиясәт уйғур алий мәктәп оқуғучилириниң уйғур елидә хизмәт тепиш пурситини техиму қийинлаштурғанлиқидин шикайәт қилмақта.
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.