Зәһәрлик сүт парашоки хитайда олимпиктин аввал байқалған, әмма йошурун тутулған

Франсийә ахбарат агентлиқиниң бүгүн бейҗиңдин хәвәр қилишичә, зәһәрлик сүт парашоки мәсилиси хитайда олимпиктин аввал байқалған, әмма хитай һөкүмитиниң олимпик мәзгилидә сәлбий хәвәрләрни тарқатмаслиқ тәшәббуси бойичә, хитай мәтбуатлири бу мәсилини җамаәтчиликтин йошурған.
Мухбиримиз шөһрәт һошур
2008-10-01
Share

Мәсилини әң дәсләп, хитайдики "җәнуб һәптә ахири" гезитиниң бир мухбири байқиған. Мухбир 7 ‏ - айниң бешида тәйярлиған бир хәвиридә, сәнлу сүт парашокиниң зәһәр тәркиби барлиқи, бу сәвәблик балиларниң еғир зиянкәшликкә учраватқанлиқи баян қилинған.

Хәвәрни елан қилишни рәт қилған мәзкур гезитниң тәһрири фу җианфең өз шәхсий тор бетидә бу һәқтә мундақ дегән: " мән мәзкур мәсилиниң җәмийәт үчүн еғир тәһдит икәнликини биләттим, әмма мән мәзкур мәсилини ениқлашқа һечқандақ бир мухбир әвәтәлмидим. Буниң үчүн мән гунаһкарлиқ һессияти ичидимән."

Йәнә чегрисиз мухбирлар тәшкилати бу һәқтики баянатида, бир қисим хитай ахбаратчилириниң сүт парашоки мәсилисини бурунла байқиғанлиқини, әмма һөкүмәт тәрәпниң мәзкур хәвәрниң тарқилишини чәклигәнлики, бу арқилиқ, олимпик һарписида хитайниң сахта образ яратқанлиқини билдүрди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт