Хитайда сифлистин юқумлиниш барғанчә еғирлашқан

"Җуңго гезити" дә хитай сәһийә министирлиқи тарқатқан бу һәқтики учурларни нәқил елип хәвәр қилишичә, хитайда сифлис 50 йилниң алдидила пүтүнләй йоқитилған болсиму, йеқинқи 10 йил ичидә тиздин кеңийип, хитайдики бәш чоң юқумлуқ кесәлликиниң биригә айланған.

2003 - Йилдин 2008 - йилиғичә болған арилиқта сифлисниң анидин - балиға юқуш нисбитиму тиз сүрәттә өрлигән. Франсийә агентлиқида көрситишичә, хитай иқтисадиниң өсүшигә әгишип, хитайда җинсий судиму кәң дәриҗидә әвҗ алған. Бу хилдики сода билән шуғуллинидиған хитай аяллири 6 милйонға йәткән. Әмма башқа мустәқил көзәткүчиләр бу санниң икки һәссә көп болуши мумкинликини илгири сүргән.

Униңдин башқа хитайда җинисдашлар - ара муһәббәтлишишму сифлисниң кеңийип кетишидә муәййән дәриҗидә рол ойниған. Бу хил кесәллик башқа дөләтләрдә асасән йоқитилған.