Awstraliyide xitaydin kelgen zeherlik chékimlik qolgha chüshürüldi

Awstraliye da'iriliri charshenbe küni xitaydin yötkelgen 246 milyon dollar qimmitidiki zeherlik chékimlikni qolgha chüshürgen.
Muxbirimiz jüme
2012-11-21
Élxet
Pikir
Share
Print

Sidnéyda élip bérilghan tuyuqsiz bésip kérip zerbe bérish herikitide ikki gumandar qolgha élin'ghan. Bu gumandarlarning biri amérikiliq, yene biri kanadaliq iken. Emma bularning millet terkibi ashkarilanmighan.

Melum bolushiche, da'iriler ikki yérim yildin buyan mezkur zeher etkeschiliki üstide murekkep tekshürüshlerni élip barghan.

Netijide 235 kilogram "Métamfétamin" dep atilidighan zeherlik dora we 115 kilogram koka'in qolgha chüshürülgen.

Métamfétamin mest qilish, rohlandurush we xumar qilish xaraktérige ige bolghan bir xil zeherlik madda bolup, qanunsiz élip-sétish xelq'arada cheklen'gen.

Uyghur élide yuqiriqi maddilar qoshup ishlen'gen qanunsiz dorilar "Gildingbash kumilichi" dep atalghan idi.

Awstraliye qolgha chüshürgen bu maddilarning hemmisi xitaydin keltürülgen bolghachqa, da'iriler tekshürüshni xitayghiche kéngeytidighanliqini bildürgen.

Toluq bet