Хоңкоңда 5 нәпәр парламент әзаси истипа бәрди

Хоңкоң парламентидики демократийә тәрәпдари 5 нәпәр парламент әзаси бүгүн истипа бәргән. Улар истипасиниң мәқсити һәққидә тохтилип, хоңкоңда йолға қоюливатқан йерим демократийигә наразилиқ билдүрүш вә толуқ демократийигә болған тәқаззалиқини ипадиләш икәнликини билдүргән.
Мухбиримиз шоһрәт һошур
2010.01.26
Share on WhatsApp
Share on WhatsApp

Хоңкоңниң нөвәттики түзүми бойичә, хоңкоң парламентида нөвәттә 60 әза болуп, буниң пәқәт 30 нәпири сайлам арқилиқ вуҗудқа келиду. Қалғанлири һәрқайси кәспий саһәләр тәрипидин тәйинлиниду; хоңкоңниң район башлиғи 800 кишилик сайлам комитети әзалири тәрипидин сайлиниду; әмма сайлам комитети әзалири бейҗиң тәрипидин тәйинлиниду.

Шуңа хоңкоңдики демократчилар, хоңкоңда омуми сайлам елип берилишни тәләп қилмақта. Бейҗиң болса, хоңкоңда омуми парламент сайлимини 2020 ‏ - йили, район башлиғи сайлимини 2017 ‏ - йили өткүзүшкә қошулған.

Бүгүн хоңкоң район башлиғи даналд таң, бәш нәпәр парламент әзасиниң истипасидин әпсусланғанлиқини билдүрүш билән биллә, уларниң омуми сайлам вә аммиви аваз бериш тәләплириниң қануни асасий йоқлуқини баян қилған.

Буниңға қарита хоңкоң авам партийиси инкас қайтуруп, демократийигә һәқиқи ишәнгүчиләрни сайламдин қорқмаслиққа чақирған. Нөвәттә хоңкоң парламентида демокиратларниң сани аз болғачқа, парламент қарарлирида бейҗиң тәрәпдари вәкилләр үстүнлүкни игилимәктә.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.