Xu jintaw partiye ichide démokratiyini ilgiri sürüshni tekitlidi

Xu jintawning xitay kompartiyisi qurulghanliqining 88 yilliqi harpisida, démokratiyini ilgiri sürüshni tekitlishi, xitay ichi we sirtidiki siyasiy közetchiler arisida munazirilerni meydan'gha keltürüwatqan bolup, b b s ning bu heqtiki xewiride, xitay ijtima'iy penler akadémiyisi pelsepe tetqiqatchisi shü yöyüning köz qarashliridin neqil élishiche, "xu jintawning démokratiyini tekitlishi, xitay kompartiyisi ichide bu xil telepning küchlüklikini körsitidu, shundaqla partiye ichide démokratiyini ilgiri sürüsh uzundin béri hel bolmay kéliwatqan nazuk mesile bolup, shunga xu jintaw 1 - iyul partiye qurulghan xatire künidin burun bu heqte choqum bir jawab bérishi zörür. Emma xitay kompartiyisi ichide köp sandikiler az sandiki bashqurghuchilargha ita'et qilish prinsipining özila xitay kompartiyisi ichide démokratiyining emeliylishining mumkin emeslikini körsitidu."

Nöwette xitayda yiligha 10 milyondin köp adem partiyige kiriwatqan bolsimu, bularning arisida yaxshiraq xizmet hem hoquqqa érishishni meqset qilip partiyige kiriwatqan yashlar hem ottura yashlar asasiy salmaqni igilewatqan bolup, küzetchilerning qarishiche, xitay kompartiyisi ichide shexsiy menpe'etpereslik küchlen'gen bu xil halette we bu yönilishte démokratiyining ishqa éshishimu mumkinchiliktin yenimu yiraqlashmaqta.