Daniye tashqi ishlar ministiri yang jyéchi bilen körüshkende kishilik hoquq we tibet mesilisini otturigha qoyidighanliqini bildürdi

Daniye tashqi ishlar ministiri williy so'éwndal xitay tashqi ishlar ministiri yang jyéchi bilen körüshkende süriye mesilisi, kishilik hoquq we tibet mesilisini otturigha qoyidighanliqini bildürdi.
Muxbirimiz erkin
2012.06.15

So'éwndal daniyining baltiq déngizidiki bornxolm arilida muxbirlargha eskertip, jüme küni kopénhagénda yang jyéchi bilen körüshkende: men bizning pikir birlikimiz bolmighan kishilik hoquq, tibet qatarliq mesililerni otturigha qoyimen, dégen.

U, tibet weziyiti we xitay kishilik hoquq xatirisidin endishe qiliwatqanliqini eskertip, uning bilen körüshkende yene asasliq süriye mesilisini otturigha qoyidighanliqi we mezkur mesilide xitayning téximu ijabiy rol oynishini qolgha keltürüshke urunup köridighanliqini bildürgen.

Xitay dölet re'isi xu jintaw yang jyéchining hemrahliqidiki bir xitay wekiller ömiki bashlap peyshenbe küni daniye ziyaritini bashlighan idi. Xelq'ara kechürüm teshkilati xu jintawning ziyariti bashlinishtin sel burun daniye bash ministiri héllé torning shmédqa xet yézip, qoral-yaraq sodisigha cheklime qoyush mesiliside xitaygha bésim ishlitishni telep qilghan. Xitay b d t ehdinamisining kichik tipliq qoral-yaraq sodisini kontrol qilishqa da'ir bezi maddilirini bikar qilishni telep qilip kelgen.

Daniye tashqi ishlar ministiri yene mezkur mesile heqqide toxtilip: men yene dunyaning qoralsizlinish ehwaligha köngül bölimen. Dunyayimiz téximu köp qoral-yaraq we toqunushqa éhtiyaj emes, dep tekitligen. Daniye-xitay munasiwiti 2009‏-yili daniye bash ministirlirining dalay lamani hökümetning resmiy sariyida kütüwélishidin kéyin soghuqliship ketken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.