“Yawro-asiya yermenkisi” seweblik ürümchide barliq mekteplerning ders waqti kéchiktürüldi

Radi'omiz igiligen uchurlardin melum bolushiche, Uyghur aptonom rayon da'iriliri uqturush chiqirip, 1-séntebirdin 5-séntebirgiche ürümchide ötküzülidighan “Yawro asiya yermenkisi” ning ongushluq élip bérilishigha kapaletlik qilish üchün, ürümchidiki bashlan'ghuch mekteptin tartip aliy mekteplergiche bolghan barliq mekteplerning ders bashlinish waqtining 6-séntebirge sürülgenlikini uqturghan.
Muxbirimiz méhriban
2011.08.23

Radi'omiz ürümchidin igiligen ehwallardin melum bolushiche, ötken heptidin bashlap, ürümchige kiridighan barliq qatnash tügünlirige tekshürüsh ponkitliri qurulghan, aptomobillar tekshürülüp, yoluchilarning kimliki xatirilen'gen.

18-Iyul xoten weqesi hem 30, 31-iyul qeshqer weqesidin kéyin Uyghur aptonom rayon da'iriliri Uyghur élide bixeterlik tedbirlirini kücheytip, térrorluq heriketlirige zerbe béridighanliqini bildürgen idi.

Qeshqer weqesidin kéyin, da'iriler“Yilpiz etridi” namliq alahide etretni jenubiy Uyghur élining aqsu wilayitige yötkep kélip, Uyghur élide öktebir éyighiche zerbe bérish pa'aliyiti élip baridighanliqini bildürüp, 39 orun'gha alahide tekshürüsh ponkiti qurulghanliqini jakarlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.