يەمەن پرېزىدېنتى نامايىشچىلارغا يېڭى ۋەدىلەرنى بەردى

يەمەن پرېزىدېنتى ئېلى ئابدۇللاھ سالېھ نامايىشچىلارغا يېڭى ۋەدىلەرنى بېرىپ، بۇ نۆۋەتلىك سايلام ئۆتكۈزۈلگىچە ۋەزىپىسىدىن ئىستېپا بەرمەيدىغانلىقى، ئەمما ھوقۇقنى ۋاقىتلىق ھۆكۈمەتكە ئۆتكۈزۈپ بېرىدىغانلىقىنى بىلدۈردى.
مۇخبىرىمىز جۈمە
2011.03.30

رويتېرستا نەقىل قىلىشىچە، يەمەندە نامايىش قىلىۋاتقان ئۆكتىچىلەرنىڭ بىر خەۋەرچىسى پرېزىدېنت سالېھنىڭ بۇ ۋەدىلەرنى يەمەندىكى ئىسلامچى «ئىسلاھ» پارتىيىسى رەئىسى مۇھەممەد ئەل يادومى بىلەن ئۇچراشقاندا ئوتتۇرىغا قويغانلىقىنى بىلدۈرگەن.

ھالبۇكى خەۋەرلەردە، پرېزىدېنت سالېھ ۋە باشقا پارتىيىلەر ئارىسىدىكى كېلىشىملەرنىڭ يەمەندە نامايىش قىلىۋاتقان «ياشلار ئىنقىلابى» نىڭ قارشىلىقىغا ئۇچرايدىغانلىقى ئىلگىرى سۈرۈلمەكتە.

يەمەننىڭ سانا شەھىرىدە نامايىش قىلىۋاتقان ياشلار چارشەنبە كۈنى بايانات ئېلىپ قىلىپ، سالېھ تەختتىن چۈشمىگۈچە بولدى قىلمايدىغانلىقىنى بىلدۈردى.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.