Yemen prézidénti namayishchilargha yéngi wedilerni berdi

Yemen prézidénti éli abdullah saléh namayishchilargha yéngi wedilerni bérip, bu nöwetlik saylam ötküzülgiche wezipisidin istépa bermeydighanliqi, emma hoquqni waqitliq hökümetke ötküzüp béridighanliqini bildürdi.
Muxbirimiz jüme
2011.03.30

Roytérsta neqil qilishiche, yemende namayish qiliwatqan öktichilerning bir xewerchisi prézidént saléhning bu wedilerni yemendiki islamchi “Islah” partiyisi re'isi muhemmed el yadomi bilen uchrashqanda otturigha qoyghanliqini bildürgen.

Halbuki xewerlerde, prézidént saléh we bashqa partiyiler arisidiki kélishimlerning yemende namayish qiliwatqan “Yashlar inqilabi” ning qarshiliqigha uchraydighanliqi ilgiri sürülmekte.

Yemenning sana shehiride namayish qiliwatqan yashlar charshenbe küni bayanat élip qilip, saléh texttin chüshmigüche boldi qilmaydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.