Америка вә хитай уйғур елидә көрүлгән йәр тәврәш һәққидә пәрқлиқ учур тарқатти

Америка геологийилик тәкшүрүш вә йәр тәврәшни йирақтин өлчәш идарисиниң мәлуматиға қариғанда, уйғур елиниң атуш тәвәсидә 21 - авғуст кәчқурун 4.5 Бал йәр тәвригән.

Учурда берилгән хәритә коорденатиға қариғанда йәр тәврәш шу җай вақит чүштин кейин саәт 4 тин 9 минут өткәндә атушниң ақчи наһийә базириға 9 километир келидиған җайда көрүлгән.

Учурда бу нөвәтлик тәврәшниң чоңқурлуқи 11 километир дәп көрситилгән.

Һалбуки, хитай “хәлқ тори” да хитай йәр тәврәшни өлчәш мәркизидин нәқил елип йәр тәврәш чоңқурлуқи 9 километир, тәврәш дәриҗиси 4 бал, дәп хәвәр қилинди.

Һазирчә мәзкур тәврәшниң йәрлик аһалиләргә қанчилик дәхли йәткүзгәнлики вә салған зиянлири һәққидә мәлумат йоқ.