Xitaydiki zeherlik kapsulluq dora zawutliri pash boldi

Xitayda ishlen'gen bir qisim kapsulluq dorilarning sana'ette ishlinidighan ayaq chemi qatarliq sün'iy kawchoktin yasalghanliqi ashkarilan'ghandin kéyin, bu weqe xitay mehsulatlirining xelq'aradiki inawitini yene bir qétim chüshürüp, xitay puqralirining xitayda ishlen'gen mehsulatlargha bolghan ensirishini téximu kücheytti.
Muxbirimiz méhriban
2012.04.17

Melum bolushiche, bu qétim pash bolghan xitay dora shirketliri xébiy, jyangshi, jéjyang, jilin qatarliq ölkilerdiki nechche onlighan sheherlerge tarqalghan bolup, bu zawutlarda ishlepchiqirilghan zeherlik kawchoktin ishlen'gen kapsulluq dorilardiki krom, dep atilidighan zeherlik madda terkibi xitayda belgilen'gen ölchemdin 90hesse éship ketken.

17-Aprél küni xitay metbu'atlirida zeherlik kapsulluq dora délosigha chétishliq 22 kishining qolgha élin'ghanliqi xewer qilin'ghan bolsimu, emma xitaydiki ammiwi tor béketliride parixorluq, chiriklik ewj alghan xitay jem'iyitide zeherlik süt parashoki, zeherlik yémeklik, zeherlik dora qatarliq bu xil saxta mehsulatlarni tosup qélish imkaniyitining yoqluqi ilgiri sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.