5 Ayliq hamilisi chüshürüwétilgen anining pushayman we shikayetliri

Ötken ayning 15 ‏-küni aqsu kelpinning yorchi yézisida yene bir hamile qetle qilish weqesi yüz bergen. Weqede 40 yashliq ana xeyrinisa mamutning 5 ayliq hamilisi mejburi chüshürüwétilgen.

Idare bashliqi we nahiye rehberlirining tinimsiz bésim ishlitishi bilen doxturxanigha bérishqa maqul bolghan ana, öltürülgen hamilining pütün bir adem siyaqidiki chiray we bedinini körgendin kéyin yüriki téximu échishqan. Hamilisi chüshürüwétilginige bügün del 30 kün bolghanda xeyrinisa mamut, bügün radi'omiz ziyaritini qobul qilip, chüshürüwétilgen bowiqining chirayining köz aldidin ketmeywatqanliqini, kün ötkenséri özini jinayetchidek hés qilip yürikining azabliniwatqanliqini bayan qildi.

U yene doxturxanidin chiqqandin kéyin eslide merkizi hökümetning chong ayliq hamilini chüshürmeslik heqqide mexsus uqturushi barliqini uqqandin kéyin, kelpin nahiyisidiki rehberlirige bolghan naraziliq tuyghusi ghezep-nepretke aylan'ghan.

Tepsilatini yuqiridiki awaz ulinishidin anglighaysiler.