Д у қ ниң 6-қурултийида алий рәһбәр, рәис вә муавин рәисләр сайлап чиқилди

Д у қ 6-нөвәтлик вәкилләр қурултийида рабийә қадир ханим д у қ ниң алий рәһбири, долқун әйса әпәнди рәис болуп сайланди.

11-Ноябир д у қ ниң йеңидин түзитиш киргүзүлгән низамнамиси биргә қарши йүздин артуқ авазниң мақуллуқи билән тәстиқланғандин кейин, қурултайниң омумий сайлими елип берилди.

10-Ноябир башланған бу йиғинда, д у қ ниң сабиқ рәиси рабийә қадир ханимниң қурултай даимий комитетиниң қарариға бинаән алий рәһбәр болуп сайланғанлиқи елан қилинди. 11-Ноябир сайламдин илгири, рәислик намзати болған долқун әйса әпәнди билән өмәр қанат әпәндиләр рәисликкә сайланғандин кейин қилмақчи болған ишлири һәққидә нутуқлар сөзлиди.

Демократик усулда беләт ташлап сайлаш нәтиҗисидә, д у қ баш катипи, вакаләтсиз милләтләр тәшкилатиниң муавин рәиси долқун әйса әпәнди 21 гә қарши 78 аваз билән өмәр қанат әпәндини йеңип, д у қ қурултийиниң рәисликигә сайланди. Сайлам нәтиҗиси елан қилинғанда, зал ичини гүлдүрас алқиш садалири қаплиди. Кишиләр бу қетимқи сайламниң нәтиҗисигә болған разимәнликлирини ипадиләшти.

Қазақистандин кәлгән көзәткүчиләрдин қәһриман ғоҗамбәрди әпәнди йиғин һәққидә зияритимизни қобул қилғанда, бу қетимқи қурултайниң әһмийәткә игә йиғин болғанлиқини һәмдә бу сайламниң нәтиҗисигә үмид билән қарайдиғанлиқини тилға алған иди.

Рәислик сайлимидин кейин муавин рәиси вә иҗраийә комитети рәислири сайлап чиқилди. Қурултай тәркибидики 20 артуқ комитетларниң мәсуллириму беләт ташлаш усули арқилиқ сайланди. Түркийә һаҗәтәпә университетиниң оқутқучиси, истратегийә мутәхәссиси доктор әркин әкрәм вә германийәдики сиясий паалийәтчи пәрһат муһәммиди әпәндиләр муавин рәисликкә сайланди. Америкадин кәлгән өмәр қанат әпәнди қурултай иҗраийә комитетиға рәис болди.

6-Нөвәтлик д у қ йиғиниға 19 дөләттин кәлгән 140 әтрапида рәсмий вәкил, көзәткүчи вә меһман қатнашқан иди. Қазақистандин кәлгән уйғур мойсипитлиридин риза сәмиди әпәндиму 6-нөвәтлик вәкилләр қурултийиға йүксәк баһа бәрди. Түркийәдин кәлгән уйғур мойсипитлиридин һамутхан көктүрк әпәндиму йиғинниң демократик принсипларға әмәл қилған, тәртиплик, интизамлиқ бир шәкилдә наһайити һаяҗанлиқ өткәнликини тәкитлиди.

Д у қ ниң бу қетимқи демократик сайлими нәтиҗисидә 27 нәпәр вәкил қурултайниң һәрқайси комитетлириға вәзипиләргә тәйинлиниш билән биргә, һәрбир комитет мудириға өз тәркибигә әза қобул қилиш һоқуқи берилди вә комитетларниң 6 айлиқ хизмәт пиланлирини түзүп чиқиш вәзиписи тапшурулди.