5-Нөвәтлик д у қ хизмәт доклати: уйғур дәваси хәлқаралишип болди

Д уқ ниң 5-нөвәтлик қурултийидин көрүнүш. 2016-Йили 12-июл, париж.

Фирансийәниң пайтәхти парижда чақириливатқан 5-нөвәтлик дуня уйғур қурултийиниң күнтәртипигә асасән 7-айниң 11-күни қурултайниң иҗраийә һәйити рәиси долқун әйса бәргән хизмәт доклатида 2012-йилидин 2016-йилиғичә болған 4 йиллиқ хизмәт доклатида дуня уйғур қурултийиң төт йиллиқ тиришчанлиқи нәтиҗисидә уйғур дәвасини хәлқаралаштуруш хизмитиниң орунланғанлиқини тәкитлиди. Долқун әйса әпәнди 14 мадда бойичә бәргән доклатида 4 йиллиқ хизмәт тоғрисида тәпсилий мәлумат бәрди.

14 Мадда төвәндикичә:

1. Һөкүмәт вә миллий парламентларда елип берилған паалийәтләр.
2. Хәлқара тәшкилатлар билән болған һәмкарлиқлар.
3. Явропа парламенти вә явропа бирлики органлиридики паалийәтләр.
4. Б д т да елип берилған паалийәтләр.
5. Баянат вә чақириқлар.
6. Мәтбуат вә тәшвиқат хизмәтлири.
7. Доклатлар.
8. Уйғур рәһбәрлирини демократийә вә кишилик һоқуқ билән тәрбийәләш программиси.
9. Муһаҗирлар хизмәтлири.
10. Мәдәнийәт маарип вә иҗтимаий саһәдики хизмәтләр.
11. Диний хизмәтләр.
12. Уйғур яшлар паалийити.
13. Уйғур аяллар паалийити.
14. Намайиш вә наразилиқ паалийити.

Долқун әйса әпәнди бир саәт давамлашқан хизмәт доклатиниң ахирида хуласиләп мундақ деди: “юқирида силәргә тәқдим қилған доклатимиз, сепимизда актип хизмәт қилған ихтисас игилири, кәспий инқилабчиларниң интайин аз болуши вә иқтисадий имканлиримизниң интайин чәклик болушидәк қейин шараит ичидә д у қ вә униң тәркибидики тәшкилатлиримизниң зор пидакарлиқлар билән елип барған паалийәтлириниң қисқичә хуласилиниши болуп, буларниң миллий давайимизниң еһтияҗи хәлқимизниң күткәнлиридин зор узақта икәнлики бир һәқиқәт. Әмма кейинки йилларда дуня уйғур қурултийиниң тиришчанлиқи, хәлқимизниң зор бәдәл төлиши нәтиҗисидә уйғур дәваси хәлқаралашти десәк болиду.”

7-Айниң 11-күнидики хизмәт доклат бериш қисмида дуня уйғур қурултийи рәиси рабийә қадир ханим вә муавин рәисләр һәрқайси комитетларниң мудирлири арқа-арқидин сөзгә чиқип, хизмәт доклатида кәм қалған җайларни толуқлап өтти.

Биз хизмәт доклати тоғрисида мәлумат игиләш үчүн дуня уйғур қурултийиниң сабиқ мудири долқун әйса, бәзи рәһбәрләр вәкилләр билән сөһбәт елип бардуқ.