Д у қ һәйити түркийә парламентида уйғурларниң тәләплирини оттуриға қойди

Ихтиярий мухбиримиз әркин тарим
2013.04.11
duq-ismet-yilmaz.jpg Д у қ муавин рәиси сейит түмтүрк вә д у қ ниң муһаҗирлар комитети мудири хәйруллаһ әфәндигил әпәндиләр түркийә дөләт мудапиә министири исмәт йилмаз билән көрүшти. 2013-Йили апрел, түркийә.
RFA/Erkin Tarim

Д уқ түркийә парламентидики паалийәтлирини барғансери күчәйтмәктә. Д у қ муавин рәиси сейит түмтүрк башчилиқидики 4 кишилик уйғур һәйәт 4-айниң 9-күни түркийә парламентида түркийә дөләт мудапиә министири исмәт йилмаз, адаләт вә тәрәққият партийиси муавин рәиси нуман қуртулмуш, җумһурийәт хәлқ партийиси муавин рәиси әминә үлкәр тарқан ханимлар билән айрим-айрим һалда көрүшүп, уйғурларниң бәзи тәләплирини оттуриға қойди. Шундақла 14 нәпәр аял парламент әзасини 4-айниң 20-күнидин 23-күнигичә франсийиниң пайтәхти парижда чақирилидиған уйғур аяллирини тәрбийиләш курсиға рәсмий тәклип қилди.

2013-Йилини хитайда түрк мәдәнийәт йили дәп елан қилғандин кейин, хитай һөкүмити арқа-арқидин һәр саһәдин түркләрни хитайға тәклип қилип хитайни екскурсийә қилдурмақта. Мутәхәссисләр хитай коммунист һөкүмитиниң түрк мәдәнийәт йилини баһанә қилип, түркләргә хитайниң тәшвиқатини қиливатқанлиқини илгири сүрүшмәктә. Хитайниң бу сияситигә қарши туруш үчүн д у қ ниң муавин рәиси сейит түмтүрк башчилиқидики 4 кишидин тәркиб тапқан һәйәт түркийә миллий мудапиә министири исмәт йилмаз вә һәрқайси сиясий партийә мәсуллири билән көрүшүп хитайниң уйғурларға елип бериватқан бесим сиясити һәққидә мәлумат бәрди.

Бу икки күнлүк паалийәт һәққидә техиму тәпсилий мәлумат елиш үчүн, юқиридики аваз улинишидин, д у қ муавин рәиси сейит түмтүрк вә муһаҗирлар комитети мудири хәйруллаһ әфәндигил әпәндиләр билән елип барған сөһбитимизни аңлаңлар.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.