Д у қ вәкиллири японийәниң васеда университетида уйғур мәсилилири бойичә сөһбәттә болди

Ихтиярий мухбиримиз һаҗи қутлуқ қадири
2016-05-31
Елхәт
Пикир
Share
Принт
duq-yaponiye-waseda.jpg
duq-yaponiye-waseda.jpg
Photo: RFA

30-Май японийәдә зиярәттә болуватқан рабийә қадир ханим башчилиқидики дуня уйғур қурултийи вәкиллири токйодики васеда университетида алаһидә сөһбәттә болди.

Васеда университетида өткүзүлгән сөһбәт мәзкур университетиниң асия-тинч окян факултетиниң йиғин залида елип берилған. Сөһбәт кәч саәт бәш йеримдин йәттә йеримға қәдәр давамлашқан. Сөһбәткә бир қисим профессорлар, докторлар, аспирантлар вә кишилик һоқуқ тәшкилатлириниң әзалири қатнашқан.

Японийә уйғур бирлики тәшкилатидин игилишимизчә, японийәдә зиярәттә болуватқан рабийә қадир ханим башчилиқидики дуня уйғур қурултийи вәкиллири токйодики қәдимий хусусий мәктәпләрдин бири болған васеда университетида уйғур мәсилилири бойичә алаһидә сөһбәттә болған.

Бу һәқтә зияритимизни қобул қилған японийә уйғур бирлики тәшкилатиниң рәиси доктор турмуһәммәт һашим паалийәт һәққидә мәлумат бәрди.

Васеда университетида өткүзүлгән сөһбәткә иштирак қилған дуня уйғур қурултийиниң муавин рәиси үмид хәмитниң (агаһий) билдүрүшичә, рабийә қадир ханим уйғур елиниң вәзийити тоғрисида тәпсилий доклат бәргән болуп, доклатқа һәтта мәзкур мәктәптә оқуватқан хитай оқуғучиларму иштирак қилған вә рабийә қадир ханимдин көплигән соалларни сориған.

Дуня уйғур қурултийиниң муавин рәиси сейит түмтүркниң дейишичә, у васеда университетида елип берилған сөһбәттә шәрқий җәнуби асия әллиридин түркийәгә йәрләшкән уйғур мусапирлар мәсилиси тоғрисида тохталған.

Сейит түмтүркниң илгири сүрүшичә, васеда университетидики сөһбәткә иштирак қилғучилар уйғурларниң сиясий вәзийитигә толиму қизиққан болуп, көпчилик бирдәк уйғурларниң өзини, мәдәнийитини вә кимликини сақлап қилиш үчүн хәлқара җәмийәтниң бу мәсилигә ортақ көңүл болуши керәкликини билдүргән.

Юқириқи аваз улинишидин тәпсилатини аңлаң.

Пикирләр (0)
Share
Толуқ бәт