Дуня уйғур қурултийи кеңәйтилгән телефон йиғини чақирди

Ихтиярий мухбиримиз әркин тарим
2014.01.27
Share on WhatsApp
Share on WhatsApp
duq-yawropa-parlament-1.JPG Д у қ рәиси рабийә қадир башчилиқидики д у қ рәһбәрлири һәйити явропа парламентида. 2013-Йили март, белгийә.
RFA/Erkin Tarim

2014-Йилиниң кириши билән дуня уйғур қурултийи 2014-йиллиқ хизмәт пиланлирини әмәлийләштүрүш үчүн дуня уйғур қурултийиниң кеңәйтилгән телефон йиғини чақирди.

26-январ күни америка вақти саәт 10 да башланған йиғинға д у қ рәиси рабийә қадир ханим, муавин рәислири, иҗраийә комитети мудири, баш катип, һәрқайси комитет мәсуллири вә һәрқайси дөләтләрдики вәкиллири қатнашти. Телефон йиғинида дуня уйғур қурултийиниң 2-айниң 21-күни дуня ана тил байрими мунасивити билән фирансийәниң пайтәхти парижда уюштуридиған паалийәтлири, 3-айда җәнвәдә өткүзүлидиған бирләшкән дөләтләр тәшкилати инсан һәқлири йиғиниға тәйярлиқ қилиш, 4-айда германийәдә өткүзмәкчи болған “уйғур яш рәһбәрләрни тәрбийиләш курси” вә 5-айниң 19-күнидин 21-күнигичә германийәниң пайтәхти берлинда чақирилмақчи болған “хитай һөкүмитиниң шәрқий түркистанлиқ мусулманларға қаратқан диний бесими: сәвәбләр, паҗиәләр вә ақивәтләр” мавзулуқ хәлқаралиқ муһакимә йиғини тоғрисида музакирә елип берилған.

Биз бу йиғин тоғрисида техиму тәпсилий мәлумат игиләш үчүн дуня уйғур қурултийи иҗраийә комитети мудири долқун әйса әпәнди вә муавин рәиси сейит түмтүрк әпәндиләр билән сөһбәт елип бардуқ.

Долқун әйса әпәнди 2014-йилиниң уйғурлар үчүн интайин муһим икәнликини, бу йилдиму уйғурларниң пәрядини дуняға аңлитишни давамлаштуридиғанлиқини баян қилди. Сейит түмтүрк әпәнди болса һәр кәсип, һәр саһәдики уйғурларниң өз давасиға игә чиқиши вә д у қ ни қоллап қуввәтлиши керәкликини баян қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.