Istanbuldiki sherqiy türkistan wexpide saylam ötküzüldi

Ixtiyariy muxbirimiz arslan
2017-01-30
Élxet
Pikir
Share
Print
Sherqiy türkistan wexpide ötküzülgen saylamdin kéyin xatire süret. 2017-Yili 29-yanwar, istanbul.
Sherqiy türkistan wexpide ötküzülgen saylamdin kéyin xatire süret. 2017-Yili 29-yanwar, istanbul.
RFA/Arslan

1-Ayning 29-küni yekshenbe, merkizi istanbulgha jaylashqan sherqiy türkistan wexpining idare hey'et rehberliki qaytidin saylap chiqildi. Saylamgha sherqiy türkistan wexpining asasiy qatlam rehberliki we idare hey'et rehberliri qatnashti.

Aldi bilen saylam komitéti belgilen'gen bolup, saylam démokratik usulda awaz tashlash arqiliq élip bérildi. Saylam sherqiy türkistan dawasining bayraqdari merhum eysa yüsüp aliptékinning oghli ilghar aliptékinning bashchiliqida élip bérildi.

Weqipning asasi qatlam rehberlikidin abdujélil turan, metin özkan, doktor erkin ekrem qatarliq 4 kishidin terkib tapqan saylam komitéti saylamni nazaret qildi.

Saylamgha yene eysa yüsüp aliptékinning chong oghli erkin aliptékin ependi gérmaniyedin kélip qatnashti.

Saylam netijiside sherqiy türkistan wexpining re'islikige doktor abdulhemit awshar saylandi. Bash katipliqqa doktor ömer qul qayta saylandi. Idare hey'et rehberlikige metin özkan, muhemmet nur turpan, muhittin janUyghur, mehmetjan qeshqerli we xeyrullah ependigil ependi qatarliq kishiler yéngidin saylandi.

Biz bu saylam toghrisida toluq melumatqa ige bolush üchün sherqiy türkistan wexpining yéngi re'isi bolup saylan'ghan doktor abdulhemit awshar we idare hey'et rehberlikige yéngidin saylan'ghan xeyrullah ependigil ependi bilen söhbet élip barduq.

Doktor abdulhemit awshar sherqiy türkistan wexpide ötküzülgen saylam toghrisida melumat bergendin kéyin, weqipning buningdin kéyin élip barmaqchi bolghan xizmet pilanliri toghrisida toxtaldi.

Yuqiridiki awaz ulinishtin bu heqtiki programmimizning tepsilatini anglighaysiler.

Toluq bet