خىتاي خەلق جۇمھۇرىيىتىنىڭ قۇرغۇچىسى ماۋ زېدۇڭ 1966-يىلى باشلاتقان «مەدەنىيەت زور ئىنقىلابى» 1976-يىلى ئاخىرلاشقان ئىدى. 10 يىل داۋاملاشقان «مەدەنىيەت زور ئىنقىلابى» دا قانچە ئون مىليونلىغان خىتاي خەلقى زىيانكەشلىككە ئۇچراپلا قالماي، ھېسابسىز ئۇيغۇرلارنىڭمۇ ئۇنىڭ دەردىنى تارتقانلىقى ئىلگىرى سۈرۈلىدۇ.
ئاتالمىش «مەدەنىيەت زور ئىنقىلابى» باشلانغانلىقىنىڭ 50 يىللىقى، ئاخىرلاشقانلىقىنىڭ 40 يىللىقى مۇناسىۋىتى بىلەن ئۇيغۇر سىياسىي زاتلىرى پىكىر بايان قىلىپ، «مەدەنىيەت زور ئىنقىلابى» نىڭ ئۇيغۇر ئىلىدا پەيدا قىلغان ئاپەت خاراكتېرلىك زىيىنى ۋە ئۇيغۇرلارنىڭ قەلبىدە قالدۇرغان جاراھىتى ئۇنتۇلغىنى يوقلۇقىنى بىلدۈرۈشتى ۋە «مەدەنىيەت زور ئىنقىلابى» نىڭ ئۇيغۇر ئېلىدە ھېلىھەم داۋاملىشىۋاتقانلىقىنى ئىلگىرى سۈرۈشتى.
يۇقىرىدىكى ئۇلىنىشتىن، گېرمانىيەدە ياشاۋاتقان ئۇيغۇر سىياسىي ئەربابلىرىدىن ئەركىن ئالىپتېكىن، ئەنۋەرجان ۋە دولقۇن ئەيسا ئەپەندىلەر بىلەن بۇ ھەقتە ئېلىپ بارغان سۆھبىتىمىزنىڭ مەزمۇنلىرىنى ئاڭلايسىلەر.