Шиветсийәниң бинакарлиқ министири мәһмәт қаплан уйғур вәкилләрни қобул қилди

Ихтиярий мухбиримиз еһсан
2014.12.23
Share on WhatsApp
Share on WhatsApp
memet-qaplan-uyghur-305.jpg Шиветсийә бинакарлиқ вә шәһәр тәрәққият министири мәһмәт қаплан уйғур маарип уюшмисиниң рәиси әхмәтҗан турсун башчилиқидики идарә һәйәт әзалирини ишханисида қобул қилди. 2014-Йили 22-декабир, шиветсийә.
RFA/Éhsan

22-Декабир күни шиветсийә бинакарлиқ вә шәһәр тәрәққият министири мәһмәт қаплан шиветсийәдә паалийәт қиливатқан уйғур маарип уюшмисиниң рәиси әхмәтҗан турсун башчилиқидики идарә һәйәт әзалирини ишханисида қобул қилди. Зиярәт шиветсийә вақти чүштин кейин саәт 13:00 дин 14:30 гичә елип берилди.

Уйғурларниң зияритидин хушал һәм мәмнун болған шиветсийә бинакарлиқ вә шәһәр тәрәққият министири мәһмәт қаплан, узундин бери шәрқий түркистанда йүз бәргән вәқәләр вә шиветсийәдики уйғурларниң елип бериватқан паалийәтлирини йеқиндин көзитип келиватқанлиқини билдүрди.

Булардин бири, шиветсийәдә тунҗи чиққан “шведчә- уйғурчә” һазирланған луғәт. Бу лоғәтниң уйғур тилини қоғдаш вә йеңи туғулуп өскән пәрзәнтләрни тәрбийәләштә интайин муһим рол ойнайдиғанлиқини билдүргән министир мәһмәт қаплан, “ бу луғәтниң електронлуқ қилип тарқитилиши вә еһтияҗи болған һәммә адәмниң қолида болуши интайин муһим” деди.

Көрүшүш давамида уйғур маарип уюшмисиниң рәиси әхмәтҗан турсун, мәһмәт қапланға тәшкилатниң елип бериватқан хизмәтлири тоғрисида мәлумат бәрди.

Бу тоғрисида тәпсилий мәлумат елиш үчүн, уйғур маарип уюшмисиниң рәиси әхмәтҗан турсунни зиярәт қилдуқ.

Уйғурларниң министир мәһмәт қапланни кәлгүсидиму давамлиқ қоллайдиғанлиқини билдүргән әхмәтҗан турсун, өзлирини ишханисида қобул қилғанлиқи үчүн униңға шиветсийәдики уйғурларға вакалитән алаһидә рәһмәт ейтти вә хатирә боюм совға қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.