Shiwétsiyening binakarliq ministiri mehmet qaplan Uyghur wekillerni qobul qildi

22-Dékabir küni shiwétsiye binakarliq we sheher tereqqiyat ministiri mehmet qaplan shiwétsiyede pa'aliyet qiliwatqan Uyghur ma'arip uyushmisining re'isi exmetjan tursun bashchiliqidiki idare hey'et ezalirini ishxanisida qobul qildi. Ziyaret shiwétsiye waqti chüshtin kéyin sa'et 13:00 din 14:30 giche élip bérildi.

Uyghurlarning ziyaritidin xushal hem memnun bolghan shiwétsiye binakarliq we sheher tereqqiyat ministiri mehmet qaplan, uzundin béri sherqiy türkistanda yüz bergen weqeler we shiwétsiyediki Uyghurlarning élip bériwatqan pa'aliyetlirini yéqindin közitip kéliwatqanliqini bildürdi.

Bulardin biri, shiwétsiyede tunji chiqqan “Shwédche- Uyghurche” hazirlan'ghan lughet. Bu loghetning Uyghur tilini qoghdash we yéngi tughulup ösken perzentlerni terbiyeleshte intayin muhim rol oynaydighanliqini bildürgen ministir mehmet qaplan, “ Bu lughetning éléktronluq qilip tarqitilishi we éhtiyaji bolghan hemme ademning qolida bolushi intayin muhim” dédi.

Körüshüsh dawamida Uyghur ma'arip uyushmisining re'isi exmetjan tursun, mehmet qaplan'gha teshkilatning élip bériwatqan xizmetliri toghrisida melumat berdi.

Bu toghrisida tepsiliy melumat élish üchün, Uyghur ma'arip uyushmisining re'isi exmetjan tursunni ziyaret qilduq.

Uyghurlarning ministir mehmet qaplanni kelgüsidimu dawamliq qollaydighanliqini bildürgen exmetjan tursun, özlirini ishxanisida qobul qilghanliqi üchün uninggha shiwétsiyediki Uyghurlargha wakaliten alahide rehmet éytti we xatire boyum sowgha qildi.