Qaramay shehiride 15 neper Uyghur yash qamaqqa höküm qilindi

Ixtiyariy muxbirimiz éhsan
2016-06-27
Élxet
Pikir
Share
Print
2016-Yil 3-séntebir tutqun qilin'ghan (soldin onggha) mutellip, muhemmed emin, abduraxman dala seyliside.
2016-Yil 3-séntebir tutqun qilin'ghan (soldin onggha) mutellip, muhemmed emin, abduraxman dala seyliside.
RFA/Éhsan

Chet'ellerdiki ammiwi uchur toridiki melumatlar we inkaslargha asaslan'ghanda, qaramay shehiride tughulup ösken hemde qaramay néfitlikide xizmet qiliwatqan Uyghur yashlardin zahir dilmurat, shahi merdan, eniwer, ablimit abdul'eziz, seypulla qatarliqlar qaramay sheherlik dölet bixeterlik idarisi teripidin 2015-yili 8-ayning 27-küni öyide we sirtlardiki oxshimighan jaylarda tutqun qilin'ghan.

Bir hepte ötkendin kéyin, 9-ayning 3-küni abduxélil, abduraxman, muhemmet emin, tursunjan, ablimit, abduraxman, ilijan, mutellip qatarliq yene 10 neper yash tutqun qilghan.

Biz bu xewerni delillesh dawamida bu yashlarning birqisimning öz-ara tonushmaydighanliqini, bu yashlar peqet toghra yolda mangghan, beziliri saqal qoyghan, namaz öteydighan bolghachqa yerlik da'iriler teripidin nuqtiliq kishiler qatarida nazaret qilin'ghanliqini ögenduq.

Yerlik da'iriler 2016-yili 3-ayda bir qétim ochuq sot qilghan bolup, bu yashlarning a'ile tawabi'atliridin wekiller qatnashqan, sotqa élip chiqilghan bu yashlar soraq jeryanida qattiq urulghan bolghachqa, bash qismigha qara xalta kiydürüp sot meydanigha élip chiqilghan.

Ablimit abdul'eziz özining soraq jeryanida qattiq urulghanliqini sot meydanida ashkarilighan.

Türkiyede yashawatqan bu balilarning délosidin toluq xewiri bar, emma nam sheripini ashkarilashni xalimaydighan xanim qaramay sheherlik ottura sotning 2016-yili 5-ayda 15 neper yashqa ochuq sotmu achmay sotning hökümnamisini a'ilisining qoligha bergen bildürdi.

Hökümnamide 35 yashliq zahir dilmurat "Térrorluq teshkilati qurghan", "Térrorluq teshkilatlargha iqtisad yollashqa urun'ghan", "Dölet parchilashqa urun'ghan, bashlamchiliq qilghan " dep 18yilliq muddetlik qamaqqa höküm qilin'ghan.

Qalghan 14neper yashmu shu xildiki jinayetler bilen muddetlik qamaqqa mehkum qilin'ghan.

Biz tepsiliy melumat élish üchün qaramay sheherlik ottura sot mehkimisidiki bu déloning sotigha qatnashqan sotchi munire turaxun'gha téléfon qilghan bolsaqmu téléfunimizni qobul qilmidi.

Biz yene qaramay sheher a'ilisidin xewer élip béqish üchün bir qanche kishini ziyaret qilip baqqan bolsaqmu, ular sirttin kirgen téléfon kontrolluqi we muxbirliqimizni bilgendin kéyin özini so'alimizgha jawab bérishtin qachurdi.

Türkiyede turuwatqan bu délodiki balilarni yéqindin tonuydighan bir xanim ismini ashkarilimasliq sherti bilen ziyaritimizni qobul qilip so'allirimizgha jawab berdi.

Toluq bet