Дуня уйғур қурултийи хитайниң йеңи бир нөвәтлик “шинҗаң хизмәт йиғини” ға инкас қайтурди

Мухбиримиз гүлчеһрә
2013.09.24
Zhang-chunxian-Xinjiang-Uyghur-eli-partiye-sekritari-305 Җаң чүншәнниң уйғур елигә йеңидин партком секретари болуп тәйинлинип, лаостики мәлум бир министирлар йиғиниға қатнишиватқан көрүнүши. 2004-Йили 27-ноябир.
AFP Photo

Хитай 4-нөвәтлик “шинҗаң хизмәт йиғини” ни 23-сентәбирдин башлап бейҗиңда ечишқа башлиди. Икки күн давам қилидиған бу йиғинға хитайниң сиясий кеңәш мудири ю җиңшең башлиқ каттивашлири вә уйғур елиға қойған партком баш секретари җаң чүншйән вә йәнә нишанлиқ ярдәм беришкә орунлаштурулған 19 хитай өлкә, шәһәрлириниң рәһбәр вә вәкиллири болуп 190 киши қатнашқан.

Йеңи бир нөвәтлик “шинҗаң хизмәт йиғини” да 19 өлкә, шәһәрниң тарихий яхши пурсәтни қолдин бәрмәй уйғур елиниң җуғрапийилик, енергийә мәнбәлик әвзәл шараитидин, шинҗаңға қаритилған етибар бериш сиясәтлиридин үнүмлүк пайдилиниши, уйғур елини хитайниң енергийә мәнбәсигә айландуруш, уйғур елиниң хитайниң қәдимий йипәк йолини бойлап ғәрбкә йүрүштики көврүклүк ролини җари қилдуруш, аз санлиқ милләт яшлирини, болупму җәнубий районлардики яшларни хитай өлкилиригә берип иш тепишқа йетәкләшкә охшаш сиясий истратегийилик пиланларни әмәлгә ашуруши тәкитләнгән.

5-Июл вәқәсидин кейин хитай һөкүмитиниң мәхсус уйғур елини идарә қилиш йеңи истратегийәсини түзүшни мәқсәт қилип чақирип келиватқан “шинҗаң хизмәт йиғини” ниң йеңи бир нөвәтликигә қарита, дуня уйғур қурултийиниң инкаси қандақ? дуня уйғур қурултийиниң баянатчиси алим сейитоф мухбиримизниң бу һәқтики соаллириға җаваб бәрди.

Тәпсилатини юқиридики аваз улинишидин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.