D u q rehberliri bash wezir abégha we yaponiye parlaméntigha tebrik xéti yollidi

Yaponiyediki Uyghur mesilisige munasiwetlik tarmaqlarning bügün ashkarilishiche, dunya Uyghur qurultiyi rehberliri 7-ayning 29-küni amérikining paytexti washin'gtondiki rabiye qadir xanimning ishxanisidin yaponiye erkin démokratlar partiyisining rehbiri, yaponiye bash weziri shinzo abégha we yaponiye parlaméntigha dunya Uyghur qurultiyi namidin tebrik xéti yollap shinzo abé bashchiliqidiki erkin démokratlar partiyisining yaponiye kéngesh saylimida yuqiri awazgha ériship, saylamda ghelibe qazan'ghanliqini tebrikligen.

Mezkur ikki parche tebrik xétidin xewerdar bir xanim Uyghur rehbiri rabiye qadir xanim bash wezir shinzo abé janablirigha ötken yilidin bashlap ta hazirghiche arqa-arqidin bir qanche parche tebrik xéti yollighanliqini ashkarilap mundaq dédi:
-Rabiye qadir xanim bash wezir shinzo abé erkin démokratlar partiyisining saylimi, yaponiye bash wezirlik saylimi we bu qétimqi kéngesh saylimidin ibaret üch qétimliq saylamda ghelibige érishkende, öz namidin we dunya Uyghur qurultiyining namidin köp qétim tebrik xéti yollidi.

Biz mezkur ikki parche tebrik xétining washin'gtondin yollan'ghanliqidin xewer tépip, mezkur tebrik xetliri toghrisida toluq melumat élish üchün rabiye qadir xanim we ömer qanat ependiler bilen téléfon söhbiti élip barduq.

Biz aldi bilen rabiye qadir xanim bilen bash wezir shinzo abégha yézilghan tebrik xéti toghrisida qisqiche téléfon söhbiti élip barduq.

Dunya Uyghur qurultiyining mu'awin re'isi ömer qanat yaponiye parlaméntidiki Uyghur dostluq guruppisining sékrétari we parlamént ezasi sé'ichi éto'u ependimge yollan'ghan tebrik xéti toghrisida ziyaritimizni qobul qilip, bu heqte qisqiche toxtilip ötti.

Awaz ulinishidin tepsilatini anglang.