Teywendiki "Teywen ittipaq birliki" partiyesining yilliq pilan yighinigha Uyghurlarmu qatnashti

Ixtiyariy muxbirimiz haji qutluq qadiri
2017-01-09
Élxet
Pikir
Share
Print
"Teywen ittipaq birliki" partiyesining yilliq pilan yighinida yaponiye Uyghur jem'iyitining re'isi ilham mahmut söz qilmaqta. 2017-Yili 6-yanwar, teybéy.
"Teywen ittipaq birliki" partiyesining yilliq pilan yighinida yaponiye Uyghur jem'iyitining re'isi ilham mahmut söz qilmaqta. 2017-Yili 6-yanwar, teybéy.
RFA/Qutluq

6-Yanwar teywenning merkizi teybiyda ötküzülgen "Teywen ittipaq birliki"partiyesining yilliq pilan yighinigha we kechlik i'ane toplash ziyapitige Uyghurlarmu qatnashqan.

Teywende tesiri bir qeder zor bolghan siyasiy teshkilatlardin biri bolghan "Teywen ittipaq birliki" partiyesining yilliq xulase yighinigha we kechlik i'ane toplash ziyapitige yaponiye Uyghur jem'iyitining re'isi ilham mahmut alahide teklip bilen qatnashqan bolup, pa'aliyetke yene teywen parlaméntining bash katipi ling jéja,teywende tonulghan meshhur siyasetchilerdin xu'ang kungxüy ependiler ishtirak qilghan.

Pa'aliyet etigen sa'et ondin kech sa'et sekkizge qeder dawam qilghan bolup, yighin'gha köp sanidiki her sahe kishiliri qatnashqan.

Ziyaritimizni qobul qilghan "Teywen ittipaq birliki" partiyesi yashlar komitétining mes'uli xu ependi mezkur pa'aliyetke Uyghurlarning alahide teklip qilinishi heqqide toxtilip: "Partiyemiz sherqiy türkistan musteqilliq herikitini qollash we shundaqla sherqiy türkistan mesilisini teywende teshwiq qilish yüzisidin pa'aliyitimizge yaponiye Uyghur jem'iyitining re'isi ilham mahmutni alahide teklip qilduq" dédi.

Teywenning merkizi teybéydiki medeniyet merkizide élip bérilghan "Teywen ittipaq birliki" partiyesining bu pa'aliyitige ishtirak qilghan yaponiye Uyghur jem'iyitining re'isi ilham mahmut ziyaritimizni qobul qilip pa'aliyet heqqide toxtaldi.

Ziyaritimizni qobul qilghan "Teywen ittipaq birliki" partiyesining mu'awin bash katipi wang bu qétimqi yighinda mezkur partiyening kelgüsi teywende élip baridighan pa'aliyetliride dunya Uyghur qurultiyi, tibet we jenubiy mongghuliye qurultiyi rehberlirini teywen'ge teklip qilishni meqset qilghan halda bir qisim pa'aliyetlerni élip baridighanliqi toghrisida toxtilip: "Partiyimiz kelgüsi pilanlirida sherqiy türkistan kishilik hoquq pa'aliyetchiliri bilen birlikte teywende sherqiy türkistan mesilisini anglitishtek bir türküm pa'aliyetlerni élip bérish pilani bar shundaqla tibet, mongghul kishilik hoquq pa'aliyetchilirimu buning ichide" dédi.

Mezkur pa'aliyette sözge teklip qilin'ghan yaponiye Uyghur jem'iyitining re'isi ilham mahmut özining yighinda otturigha qoyghan bezi bir teklipliri üstide toxtaldi.

Ilham mahmutning bildürüshiche, pa'aliyette "Teywen ittipaq birliki" partiyesining re'isi lyu yidé ependi söz qilip, mezkur partiyening we shundaqla shexsen özining buningdin kéyin Uyghur mesilisige yéqindin köngül bölidighanliqini bayan qilghan.

Ilham mahmutning éytishiche, "Teywen ittipaq birliki" partiyesi 2017-yilliq xizmet pilanida, Uyghur kishilik hoquq mesilisige alahide orun bérish, teywende Uyghur mesilisini keng kölemde teshwiq qilish pa'aliyetlirini élip bérishni pilanlighan.

Melum bolushiche, "Teywen ittipaq birliki" partiyesi 2001-yili sabiq teywen prézidénti li dingxüy teripidin qurulghan siyasiy partiye bolup, mekzur partiyening büyük nishani teywenni musteqil dölet qilip qurup chiqish we birleshken döletler teshkilatining étirap qilishini qolgha keltürüshni meqset qilghan.

Yaponiyediki bezi bir Uyghur mesililiri közetküchilirining qarishiche, teywende Uyghur mesilisini teywen musteqilchiliri bilen birlikte teshwiq qilish Uyghur mesilisini teywende tonutushta we teywenliklerning qollishini qolgha keltürüshte belgilik ijabiy rol oynaydiken.

Yuqiriqi awaz ulinishidin tepsilatini anglang.

Toluq bet