Rabiye qadir: xitayning “Shinjang chüshi” chüsh péti qéliwéridu

Xitay hökümiti shinjang xizmiti söhbet yighini échilghanliqining üch yilliqi munasiwiti bilen barliq metbu'atlirida bu üch yildin buyan xitayning 19 ölke we sheherlirining Uyghur élige nishanliq yardem bérishte zor netije yaratqanliqini, shinjangning halqima tereqqiyatini, uzaq eminlikini ilgiri sürüp xelqning bext tuyghusini ashurghanliqini qaytidin teshwiq qilmaqta. Emma, xelq'ara axbarat sahesining Uyghur élige da'ir xewerliri, Uyghurlarning inkasliri, insan heqliri teshkilatlirining doklatliri we shundaqla Uyghur pa'aliyetchilirining tenqidliri emeliyette bu üch yilning xitay nopus yötkesh, bayliq échish, yer igilesh heriketlirini téximu téz sür'ette dawamlashturghan, Uyghurlargha qaratqan basturush siyasitini yenimu kücheytken, bulargha qarshi Uyghur xelqining qarshiliq we naraziliq heriketliri barghanche keskinliship, Uyghur éli omumiy weziyiti ilgirilep jiddiyleshken üch yil bolghanliqini körsitip bermekte.

Uyghur milliy herikiti rehbiri rabiye qadir xanim bu heqte muxbirimizning ziyaritini qobul qilip, xitay shinjang xizmet yighini échilghan ming kündin buyan tilgha almighan, emma ashkara nuqtilarni yorutup berdi.

Tepsilatini awaz ulinishidin anglighaysiz.