Yaponiye Uyghur birliki teshkilati yilliq xulase we kéler yilliq pilan yighini chaqirdi

Ixtiyariy muxbirimiz haji qutluq qadiri
2016.12.26
yaponiye-uyghur-birliki-yighin.jpg Yaponiye Uyghur birliki teshkilati yilliq xulase we kéler yilliq pilan yighinidin körünüsh. 2016-Yili 25-dékabir, tokyo.
RFA/Qutluq

25-Dékabir tokyodiki shinjuku medeniyet merkizining mejlisxanisida yaponiye Uyghur birliki teshkilati yilliq xulase we kéler yilliq pilan yighini chaqirdi.

Yighin chüshtin kéyin sa'et üchtin besh yérimgha qeder dawam qilghan bolup,yighinda ezalar mezkur teshkilatning bu yilliq xizmetliri üstide qisqiche xulasilesh élip bérish bilen birge, kéler yilliq pilanlar toghrisida muzakirileshken.

Yighin'gha teshkilat ezaliri we shundaqla Uyghur mesilisini qollighuchi bir qisim yaponlar qatnashqan.

Yaponiyede pa'aliyet élip bériwatqan dunya Uyghur qurultiyi rehberlikidiki yaponiye Uyghur birliki teshkilati 2016-yilliq xizmetlerni xulasilesh we shundaqla kéler yilliq pilanlar toghrisida yighin chaqirghan bolup, bu heqte ziyaritimizni qobul qilghan teshkilatning mu'awin re'is ghalip mijit yighin heqqide toxtaldi.

Yaponiye Uyghur birliki teshkilatining küchlük himayichiliridin biri bolghan takashi sato yighin heqqide toxtilip: “Bügünki yighinda kéler yili élip bérilidighan 5-féwral ili weqesi, barin weqesi we shundaqla 5-iyul ürümchi weqesi qatarliq yéqinqi zaman Uyghurlar tarixida yüz bergen zor weqeler toghrisida élip bérilidighan xatirilesh pa'aliyetlirini ilgirikidin bashqichirek uslubta élip bérish toghrisida muzakirileshtuq. Elwette, bu pa'aliyetler ichide sherqiy türkistan jumhuriyetler künlirini xatirileshmu bar” dédi.

Yaponiye Uyghur birliki teshkilatining da'imiy hey'et ezaliridin gülistan ezizi kéler yilliq xizmet pilanlirining bu yilqi xizmet pilanliridin belgilik derijide perqliq bolidighanliqini bildürdi.

Yighin'gha ishtirak qilghan yaponiyede élip bériliwatqan Uyghur kishilik hoquq pa'aliyetlirini qollap kéliwatqan oyikawa yighin heqqide toxtilip: “Men yaponiye Uyghur birliki teshkilati bu yilqi pa'aliyetliride dunya Uyghur qurultiyining re'isi rabiye qadir xanim bilen yaponiye parlamént ezalirini uchrashturup Uyghur mesiliside bir qisim bir netijilerni qolgha keltürdi dep qaraymen. Shunga men bu qétimqi yighindimu yenila rabiye qadir xanimning kéler yili yaponiye parlamént ezaliri bilen uchrishish élip bérish teklipini otturigha qoydum” dédi.

Axirida ghalip mijit yaponiye Uyghur birliki teshkilatining bu qétimqi yighinida qarar qilghan we keng jama'etke ashkarilashqa bolidighan kéler yilliq bir qisim pilanlar toghrisida qisqiche toxtaldi.

Yaponiye Uyghur birliki teshkilati 2015-yili öktebir éyida tokyoda dunya Uyghur qurultiyi rehberlikide qurulghan yaponiyediki Uyghur kishilik hoquq teshkilatliridin biri hésablinidu.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.