تۇتقۇن مەھبۇبە ئابلەش ھەققىدە تولۇقلىما مەلۇماتلار

مەھبۇبە ئابلەش ھەققىدە بۈگۈن ئاپتونوم رايونلۇق ئاياللار بىرلەشمىسىدىن ۋە ئۇنىڭ بىر قىسىم دوستلىرىدىن مەلۇمات ئىگىلىدۇق. مەھبۇبە ئابلەشنىڭ دوستلىرىدىن بىرى بۈگۈن رادىئومىزغا ئېلخەت ئارقىلىق يەتكۈزگەن مەلۇماتىدا، ئىككى ئاينىڭ ئالدىدا ئۇيغۇر رايونلۇق دۆلەت بىخەتەرلىك خادىملىرىنىڭ مەھبۇبەنى بىرقانچە قېتىم سوراق قىلغانلىقىنى بىلدۈردى.
مۇخبىرىمىز شۆھرەت ھوشۇر خەۋىرى
2008-09-08
ئېلخەت
پىكىر
Share
پرىنت
ﻣﻪﻫﺒﯘﺑﻪ ﺋﺎﺑﻠﻪﺷﻨﯩﯔ ﯞﺍﻗﺘﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺑﯩﺮ ﭘﺎﺭﭼﻪ ﺳﯜﺭﯨﺘﻰ. ﺑﯘ ﺳﯜﺭﻩﺗﻨﻰ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﺩﯨﻦ ﺑﯩﺮﻯ ﺭﺍﺩﯨﺌﻮﻣﯩﺰﻏﺎ ﺋﻪﯞﻩﺗﻜﻪﻥ.
ﻣﻪﻫﺒﯘﺑﻪ ﺋﺎﺑﻠﻪﺷﻨﯩﯔ ﯞﺍﻗﺘﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺑﯩﺮ ﭘﺎﺭﭼﻪ ﺳﯜﺭﯨﺘﻰ. ﺑﯘ ﺳﯜﺭﻩﺗﻨﻰ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﺩﯨﻦ ﺑﯩﺮﻯ ﺭﺍﺩﯨﺌﻮﻣﯩﺰﻏﺎ ﺋﻪﯞﻩﺗﻜﻪﻥ.
Photo: RFA

 ئۇ يەنە، مەھبۇبەنىڭ سىچۈەندىكى يەر تەۋرەشكە ئۇيغۇرلاردىن ئىئانە توپلاش مەسىلىسى ۋە بېيجىڭ ئولىمپىكىنىڭ بىخەتەرلىك تەدبىرلىرى ھەققىدە تور بەتلەردە پىكىر بايان قىلغانلىقىنى بىلدۈردى. ئەمما ئۇ، مەھبۇبەنىڭ تور بەتتىكى پىكىرلىرىنىڭ خىتاينىڭ قانۇنلىرىغا خىلاپ گەپلەر ئەمەسلىكىنى، ئەكسىچە، مەھبۇبەنىڭ تۇتقۇن قىلىنىشىنىڭ ئۆزى خىتاينىڭ قانۇنلىرىغا خىلاپ ئىكەنلىكىنى ئەسكەرتتى.

بىز ئىككى كۈننىڭ ئالدىدا ئاپتونوم رايونلۇق ئاياللار بىرلەشمىسىدىن مەھبۇبە ئابلەش ھەققىدە مەلۇمات سورىغان ئىدۇق. بىراق، بىز بۈگۈن تەكرار تېلېفون قىلغىنىمىزدا قانائەتلىنەرلىك جاۋابقا ئېرىشەلمىدۇق.

مەھبۇبە ئابلەشنى يېقىندىن تونۇيدىغان ۋە ئۇزۇن مەزگىل پىكىرداش دوست بولۇپ مۇناسىۋەت قىلىپ كەلگەن يەنە بىر ئىنكاسچى، ئۆزىنىڭ مەھبۇبە ئابلەش بىلەن 4 ئاينىڭ ئالدىدا تېلېفوندا كۆرۈشكەنلىكىنى بىلدۈردى.

يۇقىرىدىكى ئاۋاز ئۇلىنىشىدىن، بۇ ئىنكاسچى بىلەن مەھبۇبە ئابلەش ھەققىدە ئۆتكۈزگەن سۆھبىتىمىزنىڭ تەپسىلاتىنى ئاڭلايسىلەر.

پىكىرلەر (3)
Share

ipar

دىن istanbul

Kuz yixinden nemlengen zimin digen tarihi romanni anlitixni nime uqun tuhtutp koysiler devam etmenlarni telep kilimen

Nov 13, 2012 07:40 AM

'IPAR

دىن ISTANBUL

men bultur guljiga barganda mehbubenin 3 yil kislip turmide ikenligini birak turmidimu oz iradisini yokatmay mehbuslarga derslerni ogitip mehbuslar arasinda hurmetke irixkinini anlidim I

Nov 13, 2012 07:39 AM

ipar

دىن istanbl

bu mehbube minin yikin dostumti bekmu yahxi okugan gayilik ve qiraylik uygur kizi idi

Nov 13, 2012 07:36 AM

تولۇق بەت