Далай лама франсийә зияритини ахирлаштурди
Мухбиримиз өмәр қанат хәвири
2008.08.23
2008.08.23
Далай лама, хитай - франсийә мунасивәтлириниң йириклишишигә сәвәб болған бу қетимқи франсийә зиярити җәрянида, франсийә ташқи ишлар министири бәрнард кочнәр, франсийә кишилик һоқуқ министири рада ядә вә франсийә президенти саркозийниң ханими карла брони саркозий қатарлиқ франсийә дөләт вә һөкүмәт рәһбәрлири, сиясий партийиләрниң вәкиллири шуниңдәк кишилик һоқуқ тәшкилатлириниң вәкиллири билән көрүшкән.
Хитай һөкүмити далай лама ниң франисйгә қаратқан зияритигә болупму франсийә ташқи ишлар министири бәрнард кочнәр қатарлиқ франсийә һөкүмәт рәһбәрлириниң далай лама билән учрашқанлиқиға қаттиқ наразилиқ билдүрди.
Хитай ташқи ишлар минстирликиниң баянатчиси чаршәнбә күни бейҗиңда бәргән баянатида франсийә һөкүмитини хитай үчүн наһайити " муһим вә сәзгүр мәсилә болған тибәт мәсилисигә еһтиятчанлиқ билән муамилә қилиш тоғрисида агаһландурған.