Dalay lama, fransiye tashqi ishlar ministiri we yene prézidént xanimi bilen körüshidu

Fransiye axbarati düshenbe künidiki xewiride, fransiye tashqi ishlar ministiri bilen prézidént xanimining dalay lamani qobul qilidighanliqini élan qildi.
Muxbirimiz gülchéhre xewiri
2008-08-19
Share

 Xewerde fransiye diplomatiye organlirining sözini neqil élip körsitishiche, tibet diniy hem siyasiy dahisi dalay lama bu qétimliq fransiye ziyariti dawamida, jüme küni fransiyining tashqi ishlar ministiri bérnard kochnér hemde fransiye prézidéntining xanimi charla bruni sarkoziy xanim bilen körüshidiken.

Dalay lama, 12 ‏ - awghusttin 23 ‏ - awghustqiche fransiyige qaratqan 10 künlük ziyaritini bashlighan idi.Del béyjingda olimpik murasimi ötküzülüwatqan peytte fransiyide ziyaritini bashlighan dalay lama charshenbe küni fransiye dölet mejlisidiki tibet mesilisi komtéti bilen " yépiq shekilde " söhbet ötküzidiken.

Dalay lamaning fransiye ziyariti bashlinishidin burunqi xewerlerde, fransiye prézidénti sarkoziyning dalay lama bilen uchrishish éhtimalliqining barliqi éytilghan bolsimu, biraq dalay lama sarkoziy bilen uchrishishni teshebbuskarliq bilen bikar qildi.

Chünki dalay lama fransiye prézidénti bilen uchrishishning, xitay bilen tibet otturisida dawamlishiwatqan söhbetke selbiy tesir peyda qilishidin endishe qilghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet