Тибәтләрниң катмандудики хитай һөкүмитигә қарши намайиши үзлүксиз давамлашмақта

Хитай һөкүмитиниң март ейида тибәтләрниң лхасадики наразилиқ һәрикитини бастурушидин кейин, непалниң пайтәхти кәткәнду шәһиридә тибәтләр тәрипидин хитай һөкүмитигә қарши башланған наразилиқ намайиши үзлүксиз давамлишиватқан болуп, шәнбә күни елип берилған наразилиқ һәрикити җәрянида непал сақчилири 182 тибәтликни вақитлиқ қолға алған.
Мухбиримиз өмәр қанат хәвири
2008.06.14

 Ройтерис агентлиқиниң непалниң пайтәхти катманду шәһиридин хәвәр қилишичә, непал сақчи даирилири, тибәткә әркинлик дәп тохтимай шуар товлиған тибәтлик намайишчиларниң бир нәччә саәт ичидә қоюп берилидиғанлиқини тәкитлигән.

Непалда нөвәттә 20000 әтрапида тибәтлик яшаватқан болуп, бу дөләт тибәткә қошна болғанлиқи үчүн, тибәт миллий һәрикити әң күчлүк болған дөләтләрниң бери һесаблиниду.

Хәвәрләргә қариғанда, сүргүндики тибәт һөкүмитиниң, тибәттин қачқан тибәтликләрни күтүвалидиған әң чоң тибәтлик мусапирларни күтүвелиш мәркизи непалда болуп, һәр йили тибәттин қачқан үч миңға йеқин тибәтлик бу мәркәзләрдә күтүвелинип, андин б д т мусапирлар комитети арқилиқ башқа дөләтләргә орунлаштурулидикән
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.