D u q rehberliri nagoyada xelq'ara jem'iyetni lükchün weqesige köngül bölüshke chaqirdi

6 - Ayning 27 - küni yaponiyining nagoya shehiride yaponiyide pa'aliyet élip bériwatqan Uyghur milliy herikitining rehbiri rabiye qadir bashchiliqidiki dunya Uyghur qurultiyining rehberliri xelq'ara jem'iyetni 26 - iyun pichan nahiyisining lükchün bazirida yüz bergen qanliq basturush weqesige köngül bölüshke chaqirdi.

Nagoya shehirining wénkaychi sariyida élip bérighan dunya Uyghur qurultiyining bu qétimqi pa'aliyitige nagoya shehiridiki hersahe ammisidin bolup,jemiy 250 kishi qatnashti.

Bügünki pa'aliyette Uyghur milliy herikitining rehbiri rabiye qadir xanim 26 - iyun pichan nahiyisining lükchün bazirida élip bérilghan xitay hökümitining qanliq basturush herikiti toghrisida tepsiliy doklat berdi. Rabiye qadir xanim yaponiye hökümitini, yapon xelqini we shundaqla xelq'ara jem'iyetni lükchün weqesige oxshash Uyghur élide yéqindin buyan yüz bergen weqelerge köngül bölüshke dewet qildi.

Rabiye qadir xanim sözide, eger mushundaq weqelerning üzlüksiz köpiyishining aldini élish üchün, shi jingping bashchiliqidiki yéngi hakimiyet derhal Uyghurlar bilen söhbet ötküzüp,Uyghur élide yürgüziwatqan siyasitide özgirish hasil qilmighanda, shijingping hakimiyitining Uyghur élide buning üchün chong bedel töleydighanliqinimu eskertip ötti.

Rabiye qadir xanim ziyaritimizni qobul qilip bügünki chaqiriq heqqide toxtilip ötti.

Dunya Uyghur qurultiyining mu'awin re'isi séyit tümtürk weqe yüz bergendin kéyin, dunya Uyghur qurultiyining mezkur weqege izchil diqqet qiliwatqanliqini, xitay hökümitining weqening mahiyitini burmilap, xelq'ara jem'iyetni qaymuqturushqa urunuwatqanliqinimu bildürdi. Ziyaritimizni qobul qilghan séyit tümtürk lükchün weqesi toghrisida toxtilip ötti.

Dunya Uyghur qurultiyining mu'awin re'isi ilham mahmut bugunki yighin heqqide toxtilip ötti.

Yipek yolidiki turpan, pichan we lükchün dégen namlar yaponlargha tolimu tonush yer namliri bolup, köpligen yaponlar 1980 - yilidin bashlap u yerlerde sayahette bolghan.

Lükchün weqesi yüz bérish bilen teng yaponlar bu bostanliqtiki bu paji'ege metbu'atlardin keng orun berdi.

Yaponiye hokumiti 2009 - yili 5 - iyul weqesi yüz bergende xitay hökümiti bilen shu yili tokyoda ötküzülgen ikki dölet söhbitide, 5 - iyul weqesini alahide tilgha élip,xitayni kishilik hoquq mesilisini yaxshilashqa chaqirghan idi.

Awaz ulinishidin tepsilatini anglang.