رابىيە قادىر خانىم باشچىلىقىدىكى ۋەكىللەر ياپونىيەدە زىيارەتتە بولىدۇ
2015.01.23
رابىيە قادىر خانىم ياپونىيەدە
RFA/Haji Qutluq Qadiri
باش شتابى ۋاشىنگتوندىكى خەلقئارا ئۇيغۇر كىشىلىك ھوقۇق، دېموكراتىيە فوندىنىڭ ياپونىيەدىكى ۋەكىلى دوكتور تۇرمۇھەممەت ھاشىمنىڭ ئاشكارىلىشىچە، دۇنيا ئۇيغۇر قۇرۇلتىيى رەئىسى رابىيە قادىر خانىم باشچىلىقىدىكى د ئۇ ق ۋەكىللىرى 28 - يانۋاردىن باشلاپ ياپونىيەدە رەسمىي زىيارەتتە بولىدىكەن.
ۋەكىللەر ئۆمىكى بىر قىسىم ياپونىيە پارلامېنت ئەزالىرى، ياپونىيە پارلامېنتىدىكى ئۇيغۇر دوستلۇق گۇرۇپپىسىنىڭ ۋەكىللىرى ئۇچرىشىپ بىر قاتار سۆھبەتلەرنى ئېلىپ بارىدىكەن.
دوكتور تۇرمۇھەممەت ھاشىمنىڭ بىلدۈرۈشىچە، رابىيە قادىر خانىم ياپونىيە زىيارىتى جەريانىدا 2014 - يىلى ئۇيغۇر ئېلىدە يۈز بەرگەن قانلىق ۋەقەلەر ھەققىدە ياپونىيەدىكى غوللۇق سىياسىي تەشكىلات رەھبەرلىرى بىلەن سۆھبەت ئۆتكۈزىدىكەن.
ئۇندىن باشقا يەنە رابىيە قادىر خانىم باشچىلىقىدىكى ۋەكىللەر ياپونىيەدىكى ئۇيغۇر جامائىتى بىلەن ئۇچرىشىپ، ياپونىيەدە بۇندىن كېيىن ئېلىپ بېرىلىدىغان ئۇيغۇر داۋاسىنىڭ ئىستراتېگىيەلىك پىلانلىرى ھەققىدە مۇزاكىرە ئېلىپ بارىدىكەن.
دىققىتىڭلار، دوكتور تۇرمۇھەممەت ھاشىم بىلەن بۇ ھەقتە ئېلىپ بارغان سۆھبەتتە بولغاي.
كۆپ كۆرۈلگەن خەۋەرلەر
RFA
- ئابدۇۋەلى ئايۇپ: «خىتايغا بېرىپ كېلىۋاتقان ئۇيغۇرلارنىڭ كۆپىيىشى جىددىي مەسىلە!»
- «ئۇيغۇر خەلق ناخشىلىرى» نى ئۆگىتىشمۇ ياكى ئۇيغۇرلارغا «ھەيۋە» كۆرسىتىشمۇ؟
- ئامېرىكا ئاۋام ۋە كېڭەش پالاتا ئەزالىرى خىتاينىڭ گۈلشەن ئابباسنى دەرھال قويۇپ بېرىشنى تەلەپ قىلغان
- ئۇيغۇرشۇناسلار: پرىنسېتون ئۇنىۋېرسىتېتىدا «ئەزىز ئەيسا ئەلكۈن ئۇيغۇر ئەدەبىياتى ئەسەرلىرى توپلانمىسى» نىڭ بولۇشى تارىخىي ئەھمىيەتكە ئىگە
- ئامېرىكا ئەمگەك مىنىستىرلىقى يىغىنىدا «ئۇيغۇر مەجبۇرىي ئەمگىكىنىڭ ئالدىنى ئېلىش قانۇنى» نى قاتتىق ئىجرا قىلىش كېرەكلىكى قايتا تەكىتلەندى