Shangxey hemkarliq teshkilatining birleshme manéwiri ichki mongghulda bashlinish aldida turmaqta

Xitayda ötküzülidighan “Tinchliq burchi - 2014” namliq herbiy manéwirning teyyarliq xizmetliri dawamlashmaqta.

Shangxey hemkarliq teshkilatigha eza rusiye, qazaqistan, qirghizistan, tajikistan we xitay qatarliq 5 döletning armiyesi ichki mongghuliye aptonom rayonida térrorizmgha qarshi birleshme herbiy manéwiri ötküzüshning jiddiy teyyarliq xizmitini qilmaqta. Xewerlerge qarighanda bu manéwirgha 7 mingdin artuq adem qatnishidiken.

Xewerlerge asaslan'ghanda bu qétimqi birleshme manéwrining meqsiti köp döletning birlikte heriket élip bérish qabiliyitini östürüsh, térrorizmgha qarshi küreshni kücheytish, rayonning muqimliqi we tinchliqini saqlash üchün öz'ara mexpiy axbarat almashturushtiki hemkarliqni kücheytishtin ibaret iken.

8 - Ayning 24 - künidin 29 - künigiche dawamlishidighan mezkur herbiy manéwir üchün ichki monggholiyege herbiy we qoral - yaraq yötkesh pa'aliyetliri dawamlashmaqta. Manéwirigha urush ayropilanliri, yük - taq ayropilanliri, tik uchar ayropilanlar we bironéwikler qatnashturilidiken.

Shangxey hemkarliq teshkilatigha eza döletlerning ötken yilqi herbiy manéwiri rusyening ural rayonidiki chélyabiniskida ötküzülgen idi.

Shangxey hemkarliq teshkilatigha eza döletlerning birleshme herbiy manéwrini ichki monggholiyede ötküzüshidiki sewep néme? xitay hökümiti dégendek rastinla bu rayonning muqimliqigha xewp élip kéliwatqan térrorizm barmu? bu herbiy manéwir Uyghur xelqighe qandaq tesir körsiter? dégen so'allar boyiche türkiye istratégiyilik chüshenche instituti mutexessisi doktor erkin ekrem ependi bilen söhbet élip barduq. U, özining bir qatar qarashliri we tehlillirini otturigha qoydi.