"Sherqiy türkistan awazi" muherriri: zhurnal chiqirishmu bir dewa

Muxbirimiz erkin tarim
2014-07-17
Élxet
Pikir
Share
Print
Süret, sherqiy türkistan wexpi teripidin neshir qiliniwatqan "sherqiy türkistan awazi" zhurnilining 71 - sani.
Süret, sherqiy türkistan wexpi teripidin neshir qiliniwatqan "sherqiy türkistan awazi" zhurnilining 71 - sani.
RFA Photo / Erkin Tarim

Qayta neshr qilinishqa bashlighan "Sherqiy türkistan awazi" namliq zhurnalning yéngi sani heqqide toxtalghan zhurnal muherriri zhurnal chiqirishningmu bir dewa ikenliki, mezkur zhurnalning sherqiy türkistanda boluwatqan weqelerni jama'etchilikke anglitishta muhim rol oynaydighanliqini bildürdi.

"Sherqiy türkistan awazi" namliq zhurnalning 2 - 3 - sanliri oqurmenler bilen yüz körüshti. Istanbulda pa'aliyet élip bériwatqan sherqiy türkistan wexpi teripidin neshir qiliniwatqan zhurnalning 2 - sani "Sherqiy türkistanda némeler bolmaqta"témisida neshir qilindi.

Bash tehrirlikini sherqiy türkistan wexpi bash katipi, istanbul uniwérsitéti oqutquchisi doktor ömer qul ependi qiliwatqan zhurnalning bu sanida doktor ali yilmaz ependining "Dinimiz islam" mawzuluq maqalisi, dr. Erkin ekremning "Amérika - xitay munasiwiti toghrisida tehlil" mawzuluq maqalisi bilen "Xitayning süriye siyasiti we sewebliri" mawzuluq maqalisi, yüjel tanay ependining "Atalmish ulusalchilarning qirim we sherqiy türkistan mesilisige bolghan köz qarishi" mawzuluq maqalisi bilen "Ilxam toxtigha erkinlik" mawzuluq maqalisi hem 2 - 4 - aylarda Uyghur diyarida yüz bergen weqeler bayan qilin'ghan maqalilar kirgüzülgen.

"Sherqiy türkistan awazi"namliq zhurnalning bu sanigha yene abdujélil turan yazghan "Sherqiy türkistandiki meshhur shexsler" namliq maqale bilen sha'ire nürela göktürk xanim yazghan "Sherqiy türkistan Uyghur medeniyiti" mawzuluq maqalisimu kirgüzülgen.

Zhurnalning 3 - sani barin weqesining 24 - yilliqigha atap neshir qilin'ghan bolup, Uyghur we türk tetqiqatchilarning barin weqesi toghrisidiki tetqiqatlirigha orun bérilgen.

Biz zhurnal toghrisida tepsili melumat élish üchün zhornalning bash tehriri doktor ömer qul ependi we sherqiy türkistan weqpining mu'awin re'isi jélil turan ependiler bilen söhbet élip barduq.

Zhurnalning bash tehriri ömer qul ependi zhurnalni qayta chiqirishqa bashlashtiki meqset toghrisida toxtilip mundaq dédi:

"Sherqiy türkistan awazi"zhurnili burun 71 san neshir qilin'ghan idi. Emma kéyinki 4 yildin béri neshir qilinmaywatatti. Biz yéngidin chiqirayli, sherqiy türkistanda yüz bériwatqan hadisilerni tarixqa xatirilep qoyayli dégen meqset bilen qayta neshir qildurup döletning idare - jemiyetlirige, herqaysi kütüpxanilargha we tetqiqat idarilirigha ewetishke bashliduq. 3 Ayda bir san chiqirishqa bashlighan iduq, bügün 2 - 3 - sanlirini bir dodila chiqarduq. Keng oqurmenlerge tarqitiwatimiz.

"Sherqiy türkistan awazi" zhurnilining bash tehriri ömer qul ependi sherqiy türkistanda boliwatqan qanliq weqelerni türk jama'etchilikige anglitish, bolupmu boliwatqan weqelerni tarixqa yézip qaldurush üchün zhurnalning intayin muhim ikenlikini shunga Uyghur ziyalilirining jurnalgha maqale yézishi kéreklikini tekitlidi:

Zhurnal chiqirishqa bir dawa dep qarash kérek. Qolida qelem bar hemme kishining maqale yézishi kérek. Biz mesilige sherqiy türkistan dewasi dep qaraymiz. Eger bir maqale sherqiy türkistan dewasigha paydiliq bolsa biz u maqalini choqum élan qilimiz. Eger maqala ewetishni xalighan kishiler http://www.dtv.com.tr tor Bétige kirse u yerde é - ma'il adrisimiz bar, uninggha maqale ewetse bolidu.

Abdujlip turan ependi zhurnalni chiqirish jeryani we mesililer heqqide toxtaldi. Uning déyishche "Sherqiy türkistan awazi" namliq zhurnal sherqiy türkistan weqpining qurghuchisi merhum eysa yüsüp alptékin teripidin 1984 - yilidin tartip neshir qilinishqa bashlan'ghan bolup, 2010 - yilidin 2013 - yilighiche bir mezgil toxtap qaldi. 2014 - Yilining bashliridin tartip qayta neshir qilinishqa bashlandi.

Toluq bet