Sherqiy türkistanliqlar uchrishishida Uyghur weziyiti muzakire qilinidiken

Ixtiyariy muxbirimiz arslan
2014-07-17
Élxet
Pikir
Share
Print
4 - Nöwetlik dunya sherqiy türksitanliqlar qérindashliq yighinidin bir körünüsh
4 - Nöwetlik dunya sherqiy türksitanliqlar qérindashliq yighinidin bir körünüsh
RFA/Arslan



6 - Nöwetlik "Sherqiy türkistanliqlar qérindashliq uchrishishi yighinida" da asasliqi Uyghur xelqi nöwette duch kéliwatqan tehditlerge taqabil turush chariliri muzakire qilinidiken.

Yighin her yili bir qétim türkiyede ötküzülüp kéliwatqan bolup, yighinining bu nöwetliki2 - awghusttin 8 - awghustqiche istanbulda échilidiken.

"Sherqiy türkistan ma'arip we hemkarliq jem'iyiti" teripidin uyushturulup kéliwatqan bu yighin'gha "Sherqiy türkistan xelqi duch kéliwatqan tehditler we uning hel qilish chare usulliri" dep nam bérilgen.

Igilinishiche, bu yighin'gha dunyaning her qaysi jayliridin teshkilat rehberliri, tetqiqatchilar, doktor - proféssorlar teklip qilin'ghan bolup, yighinda asasliqi Uyghurlar diniy, milliy, til - yéziq, medeniyet we ijtima'iy, iqtisadiy, siyasiy jehetlerde duch kéliwatqan tehditler toghrisida ilmiy maqaliler oqulidiken.

Bu nöwetlik uchurushush heqqide ziyaritimizni qobul qilghan "Sherqiy türkistan ma'arip we hemkarliq jem'iyiti" ning re'isi hidayetullah oghuzxan munularni bildürdi: xelqimizning diniy étiqadi, medeniyiti, til - yéziqi, ma'aripi ijtima'iy, siyasiy we iqtisadiy erkinlikige tehdit boluwatqan amillarni yoqitish hemde bu sahediki tehditlerni tüp yiltizidin qomurup tashlash üchün izdinish weziyetning jiddiy teqezzasidur.

Xitay hökümiti bu yil kirgendin buyan Uyghurlargha qaratqan diniy cheklimilerni qatmuqat kücheytken hemde bu yilliq ramzanda mexsus uqturush chiqirip, oqutquchi - oqughuchilar we hökümet xadimlirining roza tutushini chekligen.

Xitay hökümiti yene Uyghur élining her qaysi jaylirida kolléktip ochuq sotlirini échip, yüzligen Uyghurgha höküm élan qilghan we nechche onlighan Uyghurni ölümge buyrughan idi.

Bu heqte toxtalghan hidayetullah oghuzxan mundaq dédi: sherqiy türkistan xelqi assimilyatsiye we yoqilip kétish tehditige duch kéliwatidu. Shuning üchün bu qétim chaqirilidighan "6 - Nöwetlik dunya sherqiy türkistanliqlar qérindashliq uchrishish yighini" sherqiy türkistan xelqi duch kéliwatqan tehditler we uning hel qilish chariliri témisida bolidu.

Mezkur uchrishish yighinigha sahibxana bolghan "Sherqiy türkistan ma'arip we hemkarliq jem'iyiti" bu nöwetlik uchrishishning muweppeqiyetlik bolushini kapaletke ige qilish üchün, 2014 - yili 16 - iyul charshenbe kün kéngesh yighini ötküzdi.

Yighinda uchrishishining teyyarliqigha alaqidar xizmet teqsimati élip bérildi.

Toluq bet