Istanbulda, “Sherqiy türkistanliq qérindashlirimizni untumaymiz” dégen témida yighin ötküzüldi

“Sherqiy türkistanliq qérindashlirimizni untumaymiz” namliq yighindin kéyin xatire süret. 2013-Yili dékabir, türkiye.

Merkizi istanbulgha jaylashqan yash akadémikler medeniyet jem'iyitining uyushturushi bilen, “Sherqiy türkistanliq qérindashlirimizni untumaymiz” dégen témida yighin ötküzüldi.

Yighin “Qur'an kerim” tilawet qilish bilen bashlandi. Yighinda yash akadémikler medeniyet jem'iyitining re'isi ilker er ependi échilish nutqi sözlidi.

Ilker er ependi sözide, Uyghurlarning bésim ichide yashawatqanliqini we xitayning Uyghurgha qiliwatqan zulumini qelbide hés qiliwatqanliqini, Uyghur xelqige hésdashliq qilidighanliqini Uyghurlarning mesilisini türk xelqige anglitish üchün buningdin kéyinmu dawamliq pa'aliyet élip baridighanliqini bildürdi.

Yighin'gha, sherqiy türkistan wexpining sabiq bashliqi hamut köktürk teklip bilen qatnashti we Uyghurlarning tarixi we hazirqi weziyiti toghrisida doklat berdi.

Biz bu yighin toghrisida yighinda söz qilghan hamut köktürk ependi bilen söhbet élip barduq. Hamut köktürk ependi bu yighinda türklerning Uyghurlarni qollash üchün néme qilishi kéreklikini tekitligenlikini bildürdi.