Séyit tümtürk: se'udi erebistan'gha kirishte köp awarichilikke yoluqtum

6-Ayning 18-künidin bashlap yaponiyede ziyarette boluwatqan Uyghur milliy herikitining rehbiri rabiye qadir xanimgha hemrah bolup yaponiyede pa'aliyette boluwatqan dunya Uyghur qurultiyining mu'awin re'isi séyit tümtürk yaponiye axbarat wasitilirining ziyaritini qobul qilghanda islam ellirining, ottura asiyadiki türkiy jumhuriyetlerning Uyghur mesilisige tutqan siyasiti üstide toxtalghanda, özining se'udi erebistan'gha barghanda jiddeh xelq'ara ayrodromida qanun orunlirining sa'etlep nezerbend qilishigha uchrighanliqini, türkiyediki qirghizistan konsuligha wiza telep qilip ilmas qilghanda iltimasining ret qilin'ghanliqini bildürdi.

Yaponiye axbarat sahesidikiler Uyghurlar bilen oxshash dindiki islam ellirining, qérindash türkiy jumhuriyetlerning Uyghur mesilisige tutqan siyasitidin tolimu ümidsizlendi.

Yaponlar ilgiri Uyghur mesilisige hemmidin bekrek islam elliri, ottura asiyadiki türkiy jumhuriyetler tolimu köngül bölidu dep chüshinetti.

Yaponiye axbarat sahesidikilerning ziyaritidin kéyin, ziyaritimizni qobul qilghan séyit tümtürk bu heqtiki so'allirimizgha jawab bérip, biz bilen bille söhbette boldi.

Awaz ulinishidin tepsilatini anglang.