Xitay wekilliri duq wekillirining bdt yighinidiki sözlirige qarshi chiqti

B d t kishilik hoquq kéngishining 29 - nöwetlik yighinigha qatnashqan d u q wekilliri xitay hökümitining Uyghurlar üstidin yürgüzüwatqan zulumlirini pash qilghan. Xitay wekilliri étiraz bildürüp, xitayning milliy siyasitining Uyghurlargha bext - sa'adet élip kelgenlikini tekitligen. Ikki terep otturisidiki pikir ixtilabi yighinda Uyghurlar mesilisining yenimu keng tilgha élinishigha seweb bolghan.

B d t kishilik hoquq kéngishining 29 - nöwetlik yighini 15 - iyun bashlan'ghan bolup, 21 - iyundin béri bu yighin'gha qatniship kéliwatqan d u q ijra'iye komitéti re'isi dolqun eysa bashchiliqidiki üch kishilik bir heyet 22 - iyun küni yighinda söz qilish pursitige érishken. Ular her qétimqigha oxshash yighinda Uyghurlarning nöwettiki omumiy weziyitidin, bolupmu xitayning diniy cheklimiliri we basturush siyasetliridin melumatlar bérip, yighin ehlining diqqitini qozghighan. Xitay wekilliri derhal étiraz bildürüp, xitay hökümitining milliy siyasitining yaxshiliqini, Uyghurlarning diniy étiqad erkinlikining qanun boyiche qoghdiliwatqanliqini, Uyghurlarning bext - sa'adet ichide xatirjem yashawatqanliqini tekitlep ötken. Buning bilen bezi xelqara teshkilatlar xitayning bu yalghanchiliqigha reddiye bérip, Uyghurlarning étiqad erkinlikining heqiqetenmu éghir basturushqa uchrawatqanliqini tekitligen. Biz bu munasiwet bilen jenwediki bu yighin'gha hélimu qatnishiwatqan dolqun eysa ependini ziyaret qilduq.