“японийә авази” интернет телевизийәсидә бай наһийәсидә йүз бәргән вәқә аңлитилди

23-Феврал мәркизи токйодики японийә йоруңша ахбарат ширкитиниң тарқитишидики “японийә авази” интернет телевизийә қанилида, йеқинда бай наһийәсидә йүз бәргән вәқә һәққидә нәқ мәйдандин аңлитиш сөһбәт программиси берилгән.

Мәзкур қаналниң бу қетимқи дүшәнбә күнлүк кәчлик программисида, японийәдә тонулған атақлиқ журналист, сиясий обзорчи масаһико касия нөвәттики уйғур вәзийити һәққидә өзиниң бир қисим қарашлирини оттуриға қойған.  Бу қетимқи уйғурлар һәққидики мәхсус сөһбәт программисиға йәнә, японийәдики дуня уйғур қурултийиниң вәкили доктор турмуһәммәт һашим алаһидә тәклип билән қатнишип, бай наһийәсидә йүз бәргән  вәқәләр һәққидә тохталған.

Нәқ мәйдан аңлитиштин берилгән бу қетимқи сөһбәт программиси давамида,  көплигән телевизор көргүчиләр бай наһийәсидә йүз бәргән вәқә һәққидә телевизийә истансисиға телефон қилип, хитайниң уйғурлар үстидин елип бериватқан қирғинчилиқлириға өзлириниң наразилиқини билдүрүш билән биргә, японийә һөкүмитиниң уйғур елиниң бу хил вәзийитигә  сүкүт қилмаслиқини тәвисийә қилған.

Нөвәттә, диққитиңлар мәзкур телевизийә программиси һәққидә дуня уйғур қурултийиниң японийәдики толуқ һоқуқлуқ вәкили доктор турмуһәммәт һашим билән елип барған сөһбитимиздә болғай.

Юқириқи аваз улинишидин тәпсилатини аңлаң.