Yaponiyede ötküzülgen “Xitayning nöwettiki weziyiti we okinawa” namliq muhakime yighinida Uyghur mesilisi anglitildi

26 - Iyun yaponiyening okinawa ölkisining naha shehiridiki ökilik muziyxanining yighin zalida “Okinawaning erkinlikini qoghdash komitéti”ning sahipxanliqida “Xitayning nöwettiki weziyiti we okinawa” namliq muhakime yighini ötküzülgen. Yighinda nöwettiki xitayning siyasiy weziyiti, sénkaku arilini bésiwélish pilani we shundaqla okinawani yaponiyedin parchilash üchün élip bériwatqan tetür siyasiy teshwiqatliri toghrisida bir qisim proféssorlar we siyasetchiler söz qilghan.

Mezkur doklat sözlesh yighinigha bash shitabi washin'gtondiki xelq'ara kishilik hoquq, démokratiye fondining yaponiyediki wekili doktor turmuhemmet hashim alahide teklip bilen qatnashqan. U yighinda, “Xitaydiki yalghan milliy aptonomiye we Uyghurlarning insaniy heq - hoquqlirigha qiliniwatqan éghir depsendichilikler” serlewilik maqalisini oqup ötken.

Doklat sözlesh pa'aliyitige okinawadiki her qaysi sahelerdin 120 ge yéqin kishi qatnashqan bolup, yighin kech sa'et beshtin toqquzgha qeder dawamlashqan.

Biz, mezkur yighin heqqide toluq melumatqa érishish üchün doktor turmuhemmet hashim bilen téléfon söhbiti élip barduq.