Б д т ашлиқ кризиси һәққидә пүтүн дуняға агаһландуруш чиқарди

Бирләшкән дөләтләр тәшкилатиниң ашлиқ мәһкимиси вфп 22 ‏ - апрел күни пүтүн дуняға агаһландуруш елан қилип, дуняда йемәклик баһасиниң һазирқидәк тез өрләп кетиши, буниңдин кейин йүз милйондин артуқ адәмниң ачарчилиқ вә озуқлуқ йетишмәсликкә йүзлинишини кәлтүрүп чиқириши мумкин, дәп көрсәтти.
Мухбиримиз вәли хәвири
2008.04.23

 Б д т елан қилған хәвәрдә, дуня миқясида йүз бериш еһтимали болған бу ашлиқ кризисини һинди окянда 2004 ‏ - йили йүз бәргән деңиз чапқуниға охшитип үн - түнсиз деңиз чапқуни'дәп тәсвирлиди.

Б д т ашлиқ мәһкимисиниң мудири җозет ширан дуняда һазирқидәк барғансири еғирлаватқан ашлиқ кризисини 45 йилдин буянқи әң еғир вәқә, дәп көрситипла қалмай, бәлки бу вәқә тәрәққи қиливатқан дөләтләрдә зораванлиқ вә қаршилиқ һәрикәтләрниң пәйда болушиға сәвәб болуши мумкин, деди.

Хәвәрдә ейтилишичә, дуня банкисиниң башлиқи робрт зулик әпәнди бу йил 6 ‏ - айда японийидә ечилидиған тәрәққи қилған сәккиз чоң санаәт дөлити башлиқлириниң алий дәриҗилик учришишида, японийә баш министири ясуо фукуда дуня йүзлиниватқан йемәклик кризиси мәсилисини оттуриға қоймақчи, дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.