چېگرىسىز مۇخبىرلار تەشكىلاتى خىتاينى قاتتىق تەنقىد قىلدى

مەركىزى فرانسىيىدىكى چېگرىسىز مۇخبىرلار تەشكىلاتى جۈمە كۈنى بىر بايانات ئېلان قىلىپ، بېيجىڭ ئولىمپىك تەنھەرىكەت يىغىنىنى خىتايدا پىكىر ۋە سۆز ئەركىنلىكى جەھەتتىن پۈتۈنلەي بىر پاجىئە دەپ كۆرسەتتى.
مۇخبىرىمىز ئۆمەر قانات خەۋىرى
2008.08.23

 باياناتتا تەكىتلىنىشىچە، خىتاي ھۆكۈمىتى، ئولىمپىك جەريانىدا كىشىلىك ھوقۇق تەشكىلاتلىرى، تىبەت پائالىيەتچىلىرى ۋە بەزى چەتئەل مۇخبىرلىرىنىڭ پائالىيەتلىرىگە قاتتىق چەكلىمە قويغان.

چېگرىسىز مۇخبىرلار تەشكىلاتىنىڭ باياناتچىسى بېنويىت ھەرۋيي شەنبە كۈنى پارىژدا مۇخبىرلارغا بەرگەن باياناتىدا، ئولىمپىك تەنھەرىكەت يىغىنى جەريانىدا كىشىلىك ھوقۇقنىڭ خىتايدىكى ۋەزىيىتىدە ھېچقانداق ئىلگىرىلەش بولمىغانلىقىنى تەكىتلەپ، " بېيجىڭ ئولىمپىك تەنھەرىكەت يىغىنىنىڭ خىتايدا كىشىلىك ھوقۇقنىڭ تەرەققىياتىغا ھەسسە قوشقانلىقىغا ئائىت ھېچقانداق بىشارەت مەۋجۇت ئەمەس" دېدى.

ئۇنىڭ بىلدۈرۈشىچە، بېيجىڭ ئولىمپىك تەنھەرىكەت يىغىنى جەريانىدا، 47 تىبەتلىك پائالىيەتچى خىتاي ساقچىلىرى تەرىپىدىن تۇتۇلغان، ئاز دېگەندە 50 كىشىلىك ھوقۇق پائالىيەتچىسى نەزەربەنت قىلىنغان ياكى ھۆكۈمەتنىڭ تۈرلۈك بېسىملىرى نەتىجىسىدە بېيجىڭدىن كېتىشكە مەجبۇر بولغان.

چېگرىسىز مۇخبىرلار تەشكىلاتى باياناتچىسىنىڭ ئېيتىشىچە، بېيجىڭ ئولىمپىك تەنھەرىكەت يىغىنى جەريانىدا چەتئەللىك مۇخبىرلارغا قارىتىلغان مۇئامىلە، بېيجىڭ ئولىمپىكىنىڭ ئاچچىق بىر خاتىرىسى بولۇپ قالىدىكەن.
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
دۇنيا خەۋەرلىرى
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.