"Кишилик һоқуқ пиядә йүрүши" дикиләр нюйоркта намайиш өткүзди

 Рабийә ханимниң мәктупини һазир виргинийә шитатида турушлуқ сиясий көзәтчи илшат әпәнди оқуп өткән болуп, хәттә алди билән яң җйәнли әпәндиниң "кишилик һоқуқ пиядә йүрүши" гә юқири баһа берилгән һәмдә коммунист хитайниң кишилик һоқуқни тонуши вә демократийилишишиниң пүткүл инсанийәтниң тинчлиқи, муқимлиқи үчүн пайдилиқ икәнлики көрситилгән.

Хәттә йәнә, хитай коммунист һөкүмитиниң ялғуз аз санлиқ милләтләргила зораванлиқ ишлитип қалмай, бәлки хитай хәлқниң кишилик һоқуқиниму еғир дәпсәндә қиливатқанлиқи көрситилип, дуня җамаәтчиликини хитайниң кишилик һоқуқ әһвалиға йеқиндин көңүл болуп вә көзитип, олимпик саһибханлиқини қолға кәлтүрүш алдида бәргән вәдилирини әмәлгә ашуруш җәһәттә хитайға бесим ишлитишкә чақирған.


 Пиядә йүргүчиләр қошунини коломбийә университети алдиға кәлгәндә , кочида сақлап турған нурғунлиған қоллиғучилар күтүвалған һәмдә улар нюйорк манхаттон районидики 42 - кочиға җайлашқан хитай әлчиханисиниң алдиға йетип келип намайиш елип барған.
Бу паалийәткә иштирак қилған илшат әпәндиниң баян қилишичә, , шәнбә күнидики паалийәткә кишилик һоқуқ паалийәтчиси линда мансини риясәтчилик қилған болуп, йиғинда йәнә, нюйорк шәһәрлик һөкүмәтниң палата әзаси тоний авелла әпәнди сөз қилған.

Мәзкур "кишилик һоқуқ пиядә йүрүши" паалийитини яң җйәнли 4 - май бостун шәһиридә башлиған иди , пиядә йүргүчиләр 17 - май нюйоркқа йетип кәлгән болуп 4 - июн вашингтон шәһиригә келиду вә 89 - йилидики тйәнәнмен вәқәси қурбанлирини хатириләш паалийити елип бариду.