Президент намзити обама өзигә муавин президент болидиған намзатни елан қилди

Америкиниң илиной шитатида өткүзүлгән бир сайлам паалийитидә демократлар партийисидин келип чиққан президент намзити барак обама муавин президентлиқ намзитини рәсмий елан қилди.
Мухбиримиз үмидвар хәвири
2008-08-24
Share

 Барак обама, муавин президент намзатиниң сенатор байдин икәнликини җакарлиған һәмдә байдинниң мол ташқи сиясәт тәҗрибисигә игә икәнликини махтиған.

65 яшлиқ байдин алтә қетим сенатор болған болуп, у узун мәзгил америка дөләт мәҗлиси ташқи мунасивәтләр комитетиниң әзаси һәмдә рәиси болған. У, ирақ мәсилисидә көп қетим президент бушниң сияситини тәнқид қилған болуп, көп җәһәттә зор тәсир күчигә игә шәхс сүпитидә етирап қилинған.

Бу йил 11 - айда америка президент сайлими болиду. Нөвәттә, җумһурийәтчиләр партийисидин келип чиққан намзат җон меккәйин билән демократлар партийисидин келип чиққан намзат барак обама келәр қетимлиқ президентлиқ орниға еришиш үчүн сайлам паалийити елип бармақта. Һәр икки намзат өзигә муавин болидиған намзатларни таллап елан қилиду. Әгәр обама америка президенти болуп сайланса, байдин муавин президент болиду.

Барак обаманиң кимни муавин президентлиққа бәлгилиши һәққидә узундин буян муназириләр давамлашқан иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт