Xelq'ara olimpik komitéti xitay gimnastika mahirlirining yéshini tekshürüshni telep qildi

 Olimpik komitéti xelq'ara metbu'atlarning bu heqtiki xewerlirining bésimi astida axiri xitay gimnastika mahirlirining yéshini tekshürüshni qarar qilghan. Xelq'ara olimpik komitétining bayanatchisi giséllé deywis mundaq deydu": biz gimnastika birleshmisidin tekshürüsh élip bérishni telep qilduq....Eger bu yerde birer guman bolsa yaki bizni bi'aram qilidighan birer ish bolsa biz her qaysi tenterbiye türlirining mes'ul organliridin tekshürüsh élip bérishni telep qilimiz."

Géséllé deywis xanim yene, xitay memliketlik gimnastika birleshmisiningmu tekshürüsh élip bérishini telep qilghan. Xelq'ara metbu'atlar bu nöwetlik olimpik yighinida 2 altun médalgha érishken xitay gimnastika mahiri xé késhin, jyang yuyüen we yang yilinning emdila 14 yashqa kirgenliki, lékin olimpik komitétining belgilimiside gimnastikichilarning 16 yashtin töwen bolmasliqi kéreklikini ilgiri sürgen idi. Lékin xitay gimnastika ömikining tréniri lu shenjén birleshme agéntliqi muxbirigha kishilerni bu jehettiki gumandin xalas qilish üchün xé késhinning pasport, nopus we kimlik kinishkisini olimpik komitétigha tapshurghanliqini bildürgen.

Olimpik komitéti we xelq'ara gimnastika birleshmisi ilgiri xitay gimnastikichilirining pasportidiki yéshi belgilimige uyghun kélidighanliqini élan qilghan idi. Lékin birleshme agéntliqi bu ayning bashlirida xitay döletlik tenterbiye idarisining tor bétidin xé késhinning 1994 ‏ - yili 1 ‏ - yanwarda, yang yilinning 1993 ‏ - yili 26 ‏ - awghust küni tughulghanliqini, emma olimpik musabiqisige tizimgha aldurghanda tughulghan künining 1992 ‏ - yiligha özgirip qalghanliqini bayqighan.